ആരോഗ്യ പ്രവർത്തകരുടെ നിർദേശങ്ങൾ ഉത്തരവാദിത്വത്തോടെ അനുസരിക്കുന്നു -സുരാജ്​ വെഞ്ഞാറമൂട്​

തിരുവനന്തപുരം: പൊലീസ് ഉദ്യോഗസ്ഥരുടെ പരിശോധന ഫലം പുറത്തുവരുന്നത് വരെ ഹോം ക്വാറ​ൈൻറനിൽ തുടരുമെന്ന്​ നടൻ സുരാജ്​ വെഞ്ഞാറമൂട്​ ഫേസ്​ബുക്കിൽ കുറിച്ചു. വെഞ്ഞാറമൂട് സി.ഐ കസ്​റ്റഡിയിലെടുത്ത അബ്​കാരി കേസിലെ റിമാൻഡ്​ പ്രതിക്ക്​ ഞായറാഴ്​ച കോവിഡ്​ സ്​ഥിരീകരിച്ചിരുന്നു. ഈ സി.ഐക്കൊപ്പം എം.എൽ.എയും സുരാജും വേദി പങ്കിടുകയും ചെയ്​തിരുന്നു. ഇതേതുടർന്നാണ്​ ഇരുവർക്കും ക്വാറൻറീനിൽ കഴിയാൻ നിർദേശം നൽകിയത്​. ചടങ്ങിൽ സാമൂഹിക അകലം പാലിച്ചിരുന്നുവെങ്കിലും സുരക്ഷാർത്ഥം ആരോഗ്യ പ്രവർത്തകർ നിരീക്ഷണത്തിൽ പോകാൻ പറഞ്ഞത്​ ഉത്തരവാദിത്വത്തോടെ അനുസരിക്കുകയാണെന്ന്​ സുരാജ്​ പറഞ്ഞു.

ഫേസ്​ബുക്ക്​ പോസ്​റ്റി​​െൻറ പൂർണരൂപം:

കേരള സർക്കാറി​​െൻറ സുഭിക്ഷം പദ്ധതിയുടെ ഭാഗമായി വെഞ്ഞാറമൂടിലുള്ള എ​​െൻറ പുരയിടം കൃഷി ചെയ്യാൻ ഞാൻ വെഞ്ഞാറമൂട് സർവിസ് സഹകരണ ബാങ്കിന്​ വിട്ടുനൽകുകയും പദ്ധതിയുടെ ഉദ്ഘാടനം ഇക്കഴിഞ്ഞ 23ന് വാമനപുരം എം.എൽ.എ ശ്രീ. ഡി.കെ. മുരളി നിർവഹിക്കുകയും ഞാൻ ആ ചടങ്ങിൽ അതിഥിയായി പങ്കെടുക്കുകയും ചെയ്തു. ആ ചടങ്ങിൽ വെഞ്ഞാറമൂട് പൊലീസ് ഇൻസ്പെക്ടറും പങ്കെടുത്തിരുന്നു. എന്നാൽ അദ്ദേഹം തലേദിവസം അറസ്​റ്റ്​ ചെയ്യുകയും സമ്പർക്കത്തിൽ ഏർപ്പെടുകയും ചെയ്ത ഒരു പ്രതിക്ക് കോവിഡ് രോഗം സ്ഥിതീകരിച്ചിരിക്കുകയാണ്.

അതിനാൽ പൊലീസ് ഇൻസ്പെക്ടറും മറ്റു പൊലീസുകാരും ഇപ്പോൾ ഹോം ക്വാറ​ൈൻറനിൽ ആണ്. ആ ഉദ്ഘാടനച്ചടങ്ങിൽ ഞാനും മറ്റുളളവരും സാമൂഹിക അകലം പാലിച്ചിരുന്നു. മാസ്കും ധരിച്ചിരുന്നു. എങ്കിലും സുരക്ഷാർത്ഥം നിരീക്ഷണത്തിൽ പോകണമെന്ന് ആരോഗ്യ പ്രവർത്തകർ എന്നോട് ആവശ്യപ്പെട്ടിരിക്കുകയാണ്. 

​പൊലീസ് ഉദ്യോഗസ്ഥരുടെ പരിശോധന ഫലം പുറത്ത് വരുന്നത് വരെ ജാഗ്രത അത്യാവശ്യമായതിനാൽ ഞാൻ ഹോം ക്വാറൻറയിനിൽ തുടരുന്നതാണ്. കോവിഡ് പ്രതിരോധത്തിൽ കേരളം ലോകത്തിന്​ മാതൃക ആയത് മാനസികമായ അടുപ്പം സൂക്ഷിച്ചുകൊണ്ട് തന്നെ പുലർത്തിയ സാമൂഹിക അകലം കൊണ്ട് ആണ്. അത് ഞാനും ഉത്തരവാദിത്വത്തോടെ അനുസരിക്കുന്നു. ആരോഗ്യ പ്രവർത്തകർ കാട്ടുന്ന ജാഗ്രതയും കരുതലും അഭിനന്ദനങ്ങൾ അർഹിക്കുന്നു. എത്രയും പെട്ടെന്ന് നേരിൽ കാണാമെന്ന വിശ്വാസത്തോടെ, 

നിങ്ങളുടെ..
സുരാജ് വെഞ്ഞാറമൂട്