ഒന്നുകൂടി പാടാമെന്ന് ഷാറൂഖ്; പാടിയത് മതിയെന്ന് മകൻ അബ്രാം
text_fieldsമുംബൈ: കോവിഡ് മൂലം ദുരിതത്തിലായവരെ സഹായിക്കാൻ സംവിധായകരായ കരൺ ജോഹറും സൊയ അക്തറും ഞായറാഴ്ച അണിയിച്ചൊരുക്കിയ ഓൺലൈൻ പരിപാടിയായ ‘ഐ ഫോർ ഇന്ത്യ’യിൽ ലോക്ഡൗൺ സ്പെഷൽ ഗാനമാലപിച്ചാണ് ബോളിവുഡിലെ കിങ് ഖാൻ ഷാറൂഖ് ഖാൻ ആരാധകർക്ക് വിരുന്നൊരുക്കിയത്. താരത്തിെൻറ ആലാപനം ആരാധകർക്ക് ഇഷ്ടമായെങ്കിലും മകൻ അബ്രാം ഖാന് പിതാവിെൻറ പാട്ട് അത്ര പിടിച്ചില്ല.
‘സബ് സഹി ഹോഗി’ എന്ന് പേരിട്ട ഗാനം ഷാരൂഖ് പാടുന്നതിനിടെ രംഗപ്രവേശനം ചെയ്യുന്ന അബ്രാം പിതാവിനൊപ്പം ചുവടുവെച്ച് ഷോയുടെ മൊത്തം ക്രെഡിറ്റ് അടിച്ചെടുത്തു. ഒപ്പം ഷോയുടെ അവസാനത്തിൽ ഒരുവട്ടം കൂടി പാടാൻ തുനിഞ്ഞ ഷാറൂഖിനെ ‘പപ്പാ മതി’ എന്നു പറഞ്ഞ് കുഞ്ഞ് അബ്രാം വിലക്കുകയായിരുന്നു. ഷാറൂഖിെൻറ മികച്ച പ്രകടനവും അബ്രാമിെൻറ കുസൃതിത്തരങ്ങളും നിറഞ്ഞുനിൽക്കുന്ന വിഡിയോ സമൂഹമാധ്യമങ്ങളിൽ നിരവധി പേരാണ് പങ്കുവെക്കുന്നത്. ഗാനത്തിെൻറ വരികൾ മികച്ച പ്രചോദനമേകുന്നതായി ചിലർ കുറിക്കുന്നു.
Extremely grateful to #IforIndia, @Its_Badshah & @cacklerraj for music, lyrics & for working overnight. Thanks Sunil for the edit. All so that I could sing. Ab bhai,lockdown mein mujhe gaate hue bhi jhelna padhega. AbRam is saying 'papa enough now!’ Par Sab Sahi Ho Jaayega! pic.twitter.com/T7eLzBuC9Q
— Shah Rukh Khan (@iamsrk) May 3, 2020
ലോക്ഡൗൺ കാലത്ത് സമുഹം കടന്ന് പോകുന്ന അവസ്ഥാന്തരങ്ങളെക്കുറിച്ച് പ്രതിപാദിക്കുന്ന ഗാനത്തിന് സെയ്നി പേന ചലിപ്പിച്ചപ്പോൾ ബാദ്ഷായാണ് ഇൗണം നൽകിയത്. നിലവിലെ സാഹചര്യം അൽപം മോശമാണെങ്കിലും കാര്യങ്ങൾ മെച്ചപ്പെടുമെന്നും എല്ലാം പൂർവസ്ഥിതിയിലാകുമെന്നും ഗാനം പറഞ്ഞുവെക്കുന്നു.
നാല്മണിക്കൂർ 20 മിനിറ്റ് സമയം നീണ്ടുനിന്ന ഓണലൈൻനിശയിലൂടെ ഗിവ് ഇന്ത്യയുടെ കോവിഡ് ഫണ്ടിലേക്ക് മൂന്ന്കോടി രുപ സമാഹരിച്ചു. ഷാറൂഖിനെ കൂടാതെ അമിതാഭ് ബച്ചൻ, ഋത്വിക് റോഷൻ, പ്രിയങ്ക ചോപ്ര, നിക് ജൊനാസ്, ആലിയ ഭട്ട്, സെയ്ഫ് അലി ഖാൻ, കരീന കപുർ, വിൽ സ്മിത്ത്, അനുഷ്ക ശർമ, വിരാട് കോഹ്ലി, ആയുഷ്മാൻ ഖുരാന, വിക്കി കൗഷൽ, കത്രീന കൈഫ്, മിനി കാലിങ്, ജാക്ക് ബ്ലാക്ക്, ജോ ജൊനാസ്, സോഫി ടേണർ, അർജുൻ കപുർ എന്നിവരും പരിപാടിയുടെ ഭാഗമായി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.