ഡൗണാകുന്നതെന്തിന്?
text_fields‘‘ഒടുവിൽ എല്ലാം കണ്ടുനിന്ന ദൈവം ആജ്ഞാപിച്ചു:ഏയ് മനുഷ്യാ, ഇനി നീ കാണരുത്, മിണ്ടരുത്, ചിരിക്കരുത്. നിനക്ക് നാം ഭിക്ഷയായി നൽകിയ സൗഭാഗ്യങ്ങളൊക്കെയും ഈ മാസ്ക്കിനാൽ മൂടിക്കെട്ട്...’’കലാഭവൻ നവാസിെൻറ രചനകൾക്ക് ലോക്ഡൗണില്ല...
തിരക്കൊഴിയാത്ത നോമ്പുകാലം
ഓർമകളിലെ നോമ്പുകാലത്തിന് എന്നും തിരക്കായിരുന്നു. ഒരുവശത്ത് പള്ളിയിലെ ചടങ്ങുകളുടെയും ഇഫ്താർ വിരുന്നുകളുടെയും തിരക്ക്. മറുവശത്ത് ചാനലുകളിൽ നിറയെ പ്രോഗ്രാമുകൾ. ചാനലുകളിൽ നോമ്പുമാസ പരിപാടികളിൽ സജീവമായിരുന്നു. തീരെ റെസ്റ്റുണ്ടാവാറില്ല. ഇപ്പോൾ നമസ്കാരങ്ങളും ചടങ്ങുകളുമെല്ലാം വീട്ടിൽതന്നെ. അമ്പലത്തിലും പള്ളികളിലും പോകാനാവാതെ വിശ്വാസികൾ. എല്ലാവരും മാനസികമായി ഈ അവസ്ഥയോട് പൊരുത്തപ്പെട്ടുകഴിഞ്ഞു.
കിഡ്സ് അണ്ടർ ലോക്ഡൗൺ
ഇതുവരെ അഭിമുഖീകരിക്കാത്ത സാഹചര്യങ്ങളിൽകൂടിയാണ് നമ്മൾ കടന്നുപോകുന്നത്. വീടുവിട്ടു പുറത്തിറങ്ങാനാവുന്നില്ല. കുട്ടികളുടെ അവസ്ഥ ദയനീയമാണ്. കുട്ടികളോട് എത്ര പറഞ്ഞാലും അവർക്ക് ലോക്ഡൗൺ ഉൾക്കൊള്ളാനാവില്ല. ഈ കാര്യങ്ങൾ ഉൾക്കൊണ്ടുകൊണ്ട് 10 മിനിറ്റ് ദൈർഘ്യമുള്ള ഷോർട്ട് ഫിലിം ‘കിഡ്സ് അണ്ടർ ദി ലോക്ഡൗൺ’ തയാറാക്കി. മൊബൈലിൽ ഞാൻ ഷൂട്ട്ചെയ്ത് തയാറാക്കിയ ഈ ഷോർട്ട് ഫിലിമിൽ അഭിനയിച്ചിരിക്കുന്നത് മക്കളാണ്. വീട്ടിൽ ജോലിചെയ്തും മറ്റുള്ളവരെ സഹായിച്ചും കുട്ടികളുടെ ക്രിയേറ്റിവിറ്റി വളർത്തുന്ന സന്ദേശം നൽകുന്നതായിരുന്നു ആ വിഡിയോ.
ലക്ഷക്കണക്കിന് മാസ്ക്കുകളാണ് ഉപയോഗശേഷം അലസമായി വലിച്ചെറിയുന്നത്. ഇത് സൃഷ്ടിക്കുന്ന പ്രശ്നങ്ങളാണ് രണ്ടാമത്തെ ഷോർട്ട് ഫിലിം ‘മാസ്ക് ഓഫ് 19’. അലസമായി വലിച്ചെറിയുന്ന മാസ്ക്കുകളിൽ ഉറുമ്പു മുതൽ കോഴി, കാക്ക, ആട് ഉൾപ്പെടെയുള്ള ജീവികൾ സ്പർശിക്കുന്നതിലൂടെ രോഗം വ്യാപിക്കുന്ന രീതി. നമ്മളെ സൂക്ഷിക്കുന്നതുപോലെ സഹജീവികളെയും സമൂഹത്തെയും സുരക്ഷിതമാക്കുക എന്ന സന്ദേശമാണ് അഞ്ചു മിനിറ്റ് ദൈർഘ്യമുള്ള ഈ ബോധവത്കരണ വിഡിയോ നൽകുന്നത്.
ലോക്ഡൗൺ കഴിഞ്ഞാൽ ഞാനഭിനയിച്ച പുതിയ സിനിമ വരുന്നുണ്ട് -‘താമര’. ഇതിൽ കേന്ദ്ര കഥാപാത്രമാണ്. നേരത്തേ ഷൂട്ട് ചെയ്തുെവച്ചിരുന്നതിനാൽ ചാനൽ പ്രോഗ്രാമുകൾ ലോക്ഡൗണിലും വലിയ പ്രശ്നങ്ങൾ ഇല്ലാതെ പോകുന്നു.
രഹ്നക്ക് താൽപര്യം കൃഷി
ആലുവ നാലാം മൈലിലാണ് വീട്. വീടിനോട് ചേർന്ന് വിശാലമായ കൃഷിയിടമുണ്ട്. ഭാര്യ രഹ്നക്ക് കൃഷിയിലാണ് താൽപര്യം. പഴവർഗങ്ങളാണ് കൂടുതൽ. ആപ്പിൾ, സ്റ്റാർ ഫ്രൂട്ട്, മാംഗോസ്റ്റീൻ, റംബൂട്ടാൻ, ജാതി, വാഴ എന്നിവയും കൃഷിയിടത്തിലുണ്ട്. ആടുവളർത്തലും തുടങ്ങിയിട്ടുണ്ട്. മൂത്ത മകൾ നെഹറിൻ പത്താംക്ലാസിൽ പഠിക്കുന്നു. റിഹാൻ ആറിലും റിൽവാൻ ഒന്നിലും പഠിക്കുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.