Top
Begin typing your search above and press return to search.
exit_to_app
exit_to_app
ചൂണ്ടയിട്ടും വായിച്ചും...
cancel

കണ്ണൻ താമരക്കുളം സംവിധാനം ചെയ്യുന്ന 'മരട് 357' എന്ന സിനിമയിൽ അഭിനയിച്ചുവന്ന ഉടനെയാണ്​ ലോക്ഡൗൺ വരുന്നത്. ചിത്രത്തിൽ പ്രധാന വേഷമാണ്. മകൾ വേദയും ഒപ്പം അഭിനയിക്കുന്നുവെന്ന പ്രത്യേകതകൂടിയുണ്ട്. മകളുമൊത്ത് അഭിനയിച്ചതി​​​െൻറ ത്രില്ലിലാണ് ഇപ്പോൾ. ലോക്ഡൗൺ കാലത്ത് ടിക്ടോക്കിൽ അഭിനയിക്കുന്നതി​​​െൻറ തിരക്കിലാണ് വേദ.

ഏറെ ഇഷ്​ടം ചൂണ്ടയിടൽ

അഭിനയവും എഴുത്തും വായനയും കഴിഞ്ഞാൽ പിന്നെയിഷ്​ടം ചൂണ്ടയിടലാണ്. കൂട്ടുകാരുമൊത്ത് എവിടെയെങ്കിലും പോയി ചൂണ്ടയിടുകയാണ്​ പ്രധാന ഹോബി. ലോക്​ഡൗണായതോടെ പൊലീസി​​​െൻറ നിയന്ത്രണം ഉള്ളതിനാൽ ചൂണ്ടയിടീലിനും ലോക് വീണു. എങ്കിലും ഒളിഞ്ഞും തെളിഞ്ഞും ചൂണ്ടക്കൊളുത്തുമായി ഇടക്ക്​ ഇറങ്ങും.

മിമിക്രിയിൽ എത്തുന്നതിനു മു​േമ്പ എഴുത്ത് തുടങ്ങിയിരുന്നു. സീരിയലുകൾക്കും സിനിമാലക്കുമായി കുറെ എഴുതിയിട്ടുണ്ട്. കഥകളും നോവലുകളുമൊക്കെ വായിക്കും. എം. മുകുന്ദ​​​െൻറ നോവലുകളാട് പ്രത്യേക താൽപര്യമാണ്. മുകുന്ദ​​​െൻറ എല്ലാ രചനകളും വായിച്ചിട്ടുണ്ട്. ഇപ്പോൾ വായിച്ചുകൊണ്ടിരിക്കുന്നതും അദ്ദേഹത്തി​​​െൻറ നോവൽതന്നെ.

ഇനിയും നല്ല സിനിമകളുടെ ഭാഗമാകണം
കാണാൻ സാധിക്കാതിരുന്ന പല സിനിമകളും ഈ ലോക്​ഡൗൺ കാലത്ത് കണ്ടു. പക്ഷേ, സ്വന്തം സിനിമകൾ ടി.വിയിൽ വരുമ്പോൾ ഇരുന്ന് കാണാറില്ല. എന്തോ ഒരു വല്ലായ്മ. ലോക്ഡൗണിനുശേഷവും നല്ല സിനിമകളുടെ ഭാഗമാകണമെന്നാണ് ആഗ്രഹം. ലോക്​ഡൗൺ കാരണം നിരവധി സ്​റ്റേജ് പ്രോഗ്രാമുകൾ നഷ്​ടമായി. ഉത്സവങ്ങളുടെയും ആഘോഷങ്ങളുടെയും സമയമാണിത്. കഴിഞ്ഞവർഷങ്ങളിൽ പ്രളയവും നിരവധി സ്​റ്റേജ് പ്രോഗ്രാമുകൾ ഇല്ലാതാക്കി. ഇത് എ​​​െൻറ മാത്രം കാര്യമല്ല, സ്​റ്റേജ് പ്രോഗ്രാം ചെയ്യുന്ന എല്ലാ കലാകാരൻമാന്മാരുടെയും അവസ്ഥയാണ്. വാരാപ്പുഴയിലെ വീട്ടിലാണിപ്പോ. കൂടെ അമ്മയും ഭാര്യ അനുജയും മക്കളായ വേദയും വൈഗയും ഉണ്ട്.


Show Full Article
TAGS:dharmajan bolgatty Lockdown Days kerala news malayalam news 
Next Story