പെൺവാണിഭം​: തമിഴ് ചലച്ചിത്ര നടി സംഗീത ബാലൻ ​പിടിയിൽ

ചെന്നൈ: പെൺവാണിഭ കേന്ദ്രം നടത്തിയ കുറ്റത്തിന്​ തമിഴ്​ ചലച്ചിത്ര നടി സംഗീത ബാലൻ ചെന്നൈയിൽ പിടിയിലായി.​ ചെന്നൈയിലെ പനയൂരിലെ ഒരു സ്വകാര്യ റിസോർട്ടിലായിരുന്നു പെൺവാണിഭ കേന്ദ്രം നടത്തിയിരുന്നത്. രഹസ്യ റിപ്പോർട്ടിനെ തുടർന്ന്​ ചെന്നൈ പൊലീസ്​ നടത്തിയ റെയ്ഡിലാണ്​ സംഗീത പിടിയിലായത്​. 

സംഗീതയുടെ സഹായി സുരേഷ്​ എന്നയാളെയും പൊലീസ്​ പിടികൂടിയിട്ടുണ്ട്​. പ്രതികളെ എഗ്​മോർ ചീഫ്​ ജുഡീഷ്യൽ മജിസ്​ട്രേറ്റ്​ മുമ്പാകെ ഹാജരാക്കി. പെൺവാണിഭ കേന്ദ്രത്തിൽ നിന്ന്​ രക്ഷിച്ചെടുത്ത വിവിധ സംസ്​ഥാനങ്ങളിൽ നിന്നുള്ള യുവതികളെ നഗരത്തിലെ പുനരധിവാസ കേന്ദ്രത്തിലേക്ക്​ മാറ്റി. 

1996ൽ പുറത്തിറങ്ങിയ കറുപ്പു റോജ എന്ന തമിഴ​്​ ചിത്രത്തിലൂടെയാണ്​ സംഗീത ത​​​െൻറ ചലച്ചിത്ര ജീവിതം ആരംഭിക്കുന്നത്​. പിന്നീട്​ നിരവധി ചിത്രങ്ങളിൽ സ്വഭാവനടിയായി വേഷമിട്ട സംഗീത നിരവധി ടെലിവിഷൻ പരിപാടികളുടെയും ഭാഗമായി. വാണി റാണി എന്ന ടെലിവിഷൻ പരിപാടിയിലെ നന്മ നിറഞ്ഞ അമ്മായിഅമ്മയുടെ കഥാപാത്രത്തിലൂടെ കുടുംബ പ്രേക്ഷകരുടെ പ്രിയങ്കരിയായിരുന്നു സംഗീത.