‘സർക്കാർ’ പോസ്​റ്ററിൽ പുകവലി; നടൻ വിജയ്​ക്കെതിരെ കേസ്

തൃശൂർ: ‘സർക്കാർ’ എന്ന തമിഴ്​ സിനിമയുടെ പോസ്​റ്ററിൽ പുകവലിക്കുന്ന നടൻ വിജയ്​യുടെ പോസ്​റ്റർ പൊതുസ്​ഥലത്ത് പ്രദർശിപ്പിച്ചതിനെതിരെ ആരോഗ്യ വകുപ്പ് കേസെടുത്തു. നടൻ വിജയ്, സിനിമയുടെ നിർമാതാവ്, വിതരണക്കാർ, പോസ്​റ്റർ പ്രദർശിപ്പിച്ച തൃശൂർ രാംദാസ്​ തി​യറ്റർ എന്നിവർക്കെതി​െര കേന്ദ്ര പുകയില നിയന്ത്രണ നിയമ പ്രകാരമാണ്​ കേസെടുത്തത്.

പോസ്​റ്ററിൽ വിജയ് പുകവലിക്കുന്ന രംഗങ്ങളുണ്ട്. വലിയ ആരാധകരുള്ള നടനാണ് വിജയ്. അതിനാൽ ആരാധകർക്കും പുകവലി പ്രചോദനമാവുമെന്ന് ചൂണ്ടിക്കാട്ടി നിരവധി പരാതികൾ ജില്ല ആരോഗ്യ വകുപ്പിന്​ ലഭിച്ചതിനെ തുടർന്ന് ഡി.എം.ഒ ഡോ. കെ.ജെ. റീന അന്വേഷണത്തിന് ഉത്തരവിട്ടിരുന്നു. തി​യറ്ററുകളിൽ നടത്തിയ പരിശോധനയിൽ പുകവലി പ്രചരിപ്പിക്കുന്ന പോസ്​റ്ററുകൾ കണ്ടെടുത്തു. തുടർന്നാണ് കേസെടുത്തത്. കണ്ടെടുത്ത പോസ്​റ്ററുകൾ ചൊവ്വാഴ്ച കോടതിയിൽ ഹാജരാക്കും.

2003ലെ കേന്ദ്ര നിയമപ്രകാരം പുകയില പ്രചരിപ്പിക്കുന്ന പോസ്​റ്ററുകൾ പൊതുസ്​ഥലങ്ങളിൽ പതിക്കാൻ പാടില്ല. സിനിമയിൽ ഇത്തരം ഭാഗം നിയന്ത്രണത്തിന് വിധേയമായി കാണിക്കാം. പുകവലി േപ്രാത്സാഹിപ്പിക്കുന്നതിനെതിരെ 2012ൽ നിയമം കർശനമാക്കി. രണ്ടു വർഷംവരെ തടവും 1,000 രൂപ പിഴ ഇൗടാക്കാവുന്നതുമായ ക്രിമിനൽ കുറ്റമാണിത്.