26 വർഷങ്ങൾക്ക്​ ശേഷം രജനീകാന്തും മമ്മൂട്ടിയും ഒന്നിക്കുന്നു

തമിഴകത്തി​​​​​​െൻറ സൂപ്പർസ്​റ്റാർ രജനീകാന്തൂം  മലയാളത്തി​​​​​​െൻറ മെഗാസ്​റ്റാറും മമ്മുട്ടിയും വീണ്ടും ബിഗ്​ സ്​ക്രീനിൽ ഒന്നിക്കുന്നുവെന്ന്​ വാർത്തകൾ.നവാഗതനായ മറാത്തി സംവിധായകൻ ദീപക്​ ഭവെയുടെ പസായദാൻ എന്ന മറാത്തി ചിത്രത്തിൽ ഇരുവരും ഒരുമിക്കാൻ സാധ്യതയുണ്ടെന്ന്​ മുംബൈ മിറർ റിപോർട്ട്​ ചെയ്യുന്നു. സിനിമാ നിർമാതാവും രാഷ്​ട്രീയക്കാരനുമായ ബാലകൃഷ്​ണ സുർവേയാണ്​ രണ്ട്​ സൂപ്പർതാരങ്ങളെയും ഒരുമിപ്പിക്കാനുള്ള നീക്കം നടത്തിയതെന്നാണ്​ റിപ്പോർട്ട്​​. സിനിമയുടെ ചി​ത്രീകരണം  അടുത്ത വർഷം ഫെബ്രുവരിയിൽ തുടങ്ങുമെന്നും മിറർ റിപോർട്ട്​ ചെയ്യുന്നുണ്ട്​.

ഗോവയിൽ നടക്കുന്ന 48ാമത്​ ​െഎ.എഫ്​.എഫ്​.കെ യിൽ വൻ നിരൂപക പ്രശംസ നേടിയ 'ഇടക്' എന്ന മറാത്തി ചിത്രത്തി​​​​​​െൻറ സഹ എഴുത്തുകാരനാണ്​ ​ദീപക്​. അമ്മയുടെ സ്വപ്​നങ്ങൾ പൂർത്തീകരിക്കാൻ ആടിനെയും കൂട്ടിയുള്ള ഒരാളുടെ യാത്രയെ കുറിച്ച്​ പറയുന്ന ചിത്രം  അതി​​​​​​െൻറ കഥയിലുള്ള പ്രത്യേകത കൊണ്ടാണ്​ ​ശ്രദ്ധിക്കപ്പെട്ടത്​. 

26 വർഷങ്ങൾക്ക്​ മുൻപ്​ മണിരത്​നം സംവിധാനം​ ചെയ്​ത്​ ദളപതിയിലാണ്​ ഇരുവരും ഒരുമിച്ചത്​. തെന്നി​ന്ത്യയിൽ ദളപതി വൻഹിറ്റാവുകയും ചെയ്​തിരുന്നു. കബാലി സംവിധായകനായ പാ രജ്ഞിത്ത്​ ഒരുക്കുന്ന രജനിയുടെ 'കാല കരികാലനിൽ' മമ്മൂട്ടി അംബേദ്​കറായി വേഷമിടുമെന്ന്​​ അഭ്യൂഹങ്ങൾ പരന്നിരുന്നു. എന്നാൽ,  സിനിമയുടെ അണിയറക്കാർ തന്നെ വാർത്ത നിഷേധിച്ച്​ രംഗത്തെത്തിയിരുന്നു. എന്തായാലും രണ്ടര പതിറ്റാണ്ടുകൾക്ക്​ ശേഷമുള്ള അതികായരു​ടെ ഒരുമിക്കൽ ഉണ്ടാവണമെന്നാണ്​ ആരാധകരുടെയും ആഗ്രഹം​.