നിവിനല്ല, പൃഥ്വിയാണ് നായകൻ -ഗൗതം മേനോൻ

നിവിൻ പോളിയെ നായകനാക്കി സിനിമ ഒരുക്കുന്നുവെന്ന വാർത്ത നിഷേധിച്ച് സംവിധായകൻ ഗൗതം വാസുദേവ് മേനോൻ. പ്രചരിക്കുന്ന വാർത്തകളെല്ലാം തീര്‍ത്തും അടിസ്ഥാനരഹിതമാണെന്ന് ഗൗതം മേനോന്‍ ഒരു ദേശീയ ദിനപത്രത്തിന് നൽകിയ അഭിമുഖത്തിൽ പറഞ്ഞു. നിവിനുമായി ചിത്രം ചെയ്യാന്‍ ആഗ്രഹമുണ്ടെന്നും എന്നാല്‍ ഇപ്പോള്‍ പൃഥ്വിരാജിനെ നായകനാക്കി ചിത്രമെടുക്കാനുള്ള തയ്യാറെടുപ്പിലാണ് താനെന്നും ഗൗതം മേനോന്‍ പറഞ്ഞു. അമേരിക്കയാണ് ചിത്രത്തിന്റെ ലൊക്കേഷന്‍. ഈ വര്‍ഷം ആഗസ്റ്റില്‍ ചിത്രീകരണം തുടങ്ങുമെന്നും അദ്ദേഹം അറിയിച്ചു.