ഒടുവിൽ കുറ്റവിമുക്​തി; കോടതി വിധി പുതിയ തുടക്കമെന്ന്​ മാധവൻ

17:42 PM
14/09/2018
madhavan-nambi-narayanan

മുൻ ​െഎ.എസ്​.ആർ.ഒ ശാസ്​ത്രജ്ഞൻ നമ്പിനാരായണന്​ അനകൂലമായ സുപ്രീം കോടതി വിധിയിൽ സന്തോഷം പ്രകടിപ്പിച്ച്​ നടൻ മാധവൻ. ബിഗ്​ സ്​ക്രീനിൽ നമ്പി നാരായണനായി അഭിനയിക്കാൻ പോകുന്ന മാധവൻ, വിധി പുതിയ തുടക്കമാണെന്ന്​​ ട്വിറ്ററിൽ കുറിച്ചു​.

‘അവസാനം കുറ്റവിമുക്തി, ഇതൊരു പുതിയ തുടക്കം’ എന്നായിരുന്നു മാധവൻ ട്വീറ്റ്​ ചെയ്​തത്​​. മാധവ​​െൻറ ട്വീറ്റിന്​ മറുപടിയായി സൂര്യയും രംഗത്തെത്തി. ഇതിനായി കാത്തിരിക്കുന്നു എന്നായിരുന്നു സൂര്യയുടെ ട്വീറ്റ്​.

നമ്പി നാരായണ​​െൻറ ജീവിതത്തെ ആസ്പദമാക്കി ഒരുക്കുന്ന പുതിയ ബിഗ്​ ബജറ്റ്​ ചിത്രത്തിൽ മാധവനാണ് നായകനായി എത്തുന്നത്. നമ്പി നാരായണ​​െൻറ 27 മുതല്‍ 75 വയസ് വരെയുള്ള കാലമാണ് ചിത്രത്തിൽ കാണിക്കുന്നത്​. ആനന്ദ് മഹാദേവൻ സംവിധാനം ചെയ്യുന്ന ചിത്രം തമിഴ്, ഹിന്ദി, ഇംഗ്ലീഷ് ഭാഷകളിലാവും പുറത്തിറങ്ങുക.

1994 നവംബര്‍ 30നായിരുന്നു നമ്പി നാരായണന്‍ ​െഎ.എസ്​.ആർ.ഒ ചാരക്കേസില്‍ അറസ്റ്റിലായത്. ചാരക്കേസില്‍ കുരുക്കിയ ഉദ്യോഗസ്ഥര്‍ക്കെതിരെ നടപടിയാവശ്യപ്പെട്ട് മുന്‍ ശാസ്ത്രജ്ഞന്‍ നമ്പി നാരായണന്‍ സമര്‍പ്പിച്ച ഹര്‍ജിയില്‍ 50 ലക്ഷം രൂപയാണ് നഷ്ടപരിഹാരം നല്‍കാന്‍ സുപ്രീംകോടതി ഇന്ന്​ വിധിച്ചത്.‌‌

Loading...
COMMENTS