മത്സരത്തിനില്ലെന്ന്​ കമൽഹാസൻ

ചെന്നൈ: ലോക്​സഭ തെരഞ്ഞെടുപ്പിൽ മത്സരത്തിനില്ലെന്ന്​ മക്കൾ നീതി മയ്യം പ്രസിഡൻറ്​ കമൽഹാസൻ. ഞായറാഴ്​ച രാത്രി കോയമ്പത്തൂർ കൊഡിഷ്യ മൈതാനത്തിൽ 40 ലോക്​സഭ മണ്ഡലങ്ങളിലേക്കും ഉപതെരഞ്ഞെടുപ്പ്​ നടക്കുന്ന 18 നിയമസഭ മണ്ഡലങ്ങളിലേക്കും സ്​ഥാനാർഥികളെ പ്രഖ്യാപിച്ചശേഷമാണ്​ മത്സരത്തിനില്ലെന്ന്​ കമൽ അറിയിച്ചത്​.

പാർട്ടി സ്​ഥാനാർഥികളുടെ വിജയത്തിനായി പര്യടനം നടത്തേണ്ടതിനാലാണ്​ ഇൗ തീരുമാനമെന്നും അദ്ദേഹം പറഞ്ഞു. സമ്മേളനത്തിൽ പാർട്ടിയുടെ പ്രകടന പത്രികയും പുറത്തിറക്കി. മക്കൾ നീതി മയ്യം വൈസ്​ പ്രസിഡൻറ്​ മഹേന്ദ്രൻ കോയമ്പത്തൂരിൽ മത്സരിക്കും.