ബാല ഒരുക്കിയ അർജ്ജുൻ റെഡ്ഡിയുടെ റീമേക്ക് പോരെന്ന് നിർമാതാക്കൾ; റീഷൂട്ട് ചെയ്യും
text_fieldsപ്രശസ്ത നടൻ ചിയാൻ വിക്രമിെൻറ മകൻ ധ്രുവ് വിക്രം സിനിമയിൽ അരങ്ങേറ്റം കുറിക്കാൻ പോകുന്ന ചിത്രമായിരുന് നു വർമ. തെലുങ്കിൽ വിജയ് ദേവരകൊണ്ടയും ശാലിനി പാണ്ഡെയും തകർത്തഭിനയിച്ച ഹിറ്റ് ചിത്രം ‘അർജ്ജുൻ റെഡ്ഡി’യുടെ തമിഴ് പതിപ്പായിരുന്നു. ഏറെ പ്രതീക്ഷയോടെ കാത്തിരുന്ന ചിത്രം റിലീസ് ചെയ്യാൻ ദിവസങ്ങൾ ബാക്കി നിൽക്കെ ഞെട്ടിക ്കുന്ന തീരുമാനവുമായി നിർമാതാക്കളെത്തി.
പ്രിവ്യൂ കണ്ട നിർമാതാക്കൾക്ക് ചിത്രം ബോധിച്ചില്ലെന്നും അതിനാൽ പൂർണ്ണമായും റീഷൂട്ട് ചെയ്യാനാണ് തീരുമാനമെന്നും അവർ പുറത്തുവിട്ട വാർത്താകുറിപ്പിൽ പറയുന്നു. മലയാളത്തിലടക്കം നിരവധി സിനിമകൾ ഒരുക്കിയ ഇ ഫോർ എൻറർടൈൻമെൻറ്സാണ് ചിത്രം നിർമിച്ചിരിക്കുന്നത്.
നായകനെ നിലനിർത്തി സംവിധായകനെയും ചില അണിയറ പ്രവർത്തകരെയും അഭിനേതാക്കളെയും മാറ്റി പൂർണ്ണമായും റീഷൂട്ട് ചെയ്യാൻ തീരുമാനിച്ചെന്നും തെലുങ്കു പതിപ്പിെൻറ തനിമ ചോരാതെ തമിഴിൽ ചിത്രം മികവോടെ അവതരിപ്പിക്കുമെന്നും നിർമാതാക്കൾ അറിയിച്ചു. ധ്രുവ് തന്നെയാവും നായകൻ എന്ന് വാർത്താകുറിപ്പിൽ പരാമർശിക്കുന്നുണ്ടെങ്കിലും സംവിധായകനും മറ്റു താരങ്ങളും ആരെന്നുള്ള വിവരം വഴിയേ അറിയിക്കാമെന്നാണ് പറയുന്നത്.
വർമയുടെ ട്രൈലറും പാട്ടുകളും വൻ ഹിറ്റായിരുന്നു. സേതു എന്ന തമിഴ് ചിത്രത്തിൽ വിക്രമിനെ അവതരിപ്പിച്ചത് സംവിധായകൻ ബാലയാണ്. തമിഴിലെ എക്കാലത്തേയും മികച്ച സംവിധായകരിലൊരാളായ ബാലയെ മാറ്റി ആരിലേക്കാവും ചിത്രം എത്തുക എന്ന ആകാംക്ഷയിലാണ് പ്രേക്ഷകർ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.