Begin typing your search above and press return to search.
proflie-avatar
Login
exit_to_app
exit_to_app
Homechevron_rightഭാനുപ്രിയയുടെ വീട്ടിൽ...

ഭാനുപ്രിയയുടെ വീട്ടിൽ നാല്​​​ പെൺകുട്ടികൾ; കുട്ടിക്കടത്തെന്ന്​ ആരോപണം

text_fields
bookmark_border
Bhanupriya
cancel

ചെന്നൈ: 14 വയസുകാരിയെ വീട്ടുജോലിക്ക്​ നിർത്തി പീഡിപ്പിച്ചുവെന്ന ആരോപണം നേരിടുന്ന തമിഴ്-തെലുങ്ക്​​ നടി ഭാനുപ്രിയക്ക്​ കുരുക്ക്​ മുറുകുന്നു. നടിയുടെ വീട്ടിൽ നടന്ന റെയ്​ഡിൽ പ്രായപൂർത്തിയാകാത്ത മൂന്ന്​ പെൺകുട്ടികളെ കൂടി കണ്ടെത്തിയെന്നും അത്​ കുട്ടിക്കടത്തി​​​​​​​െൻറ ഭാഗമാണെന്ന്​ സംശയിക്കുന്നതായി ചൈൽഡ്​ ലൈൻ ഉദ്യോഗസ്ഥർ അറിയിച്ചു.

ഭാനുപ്രിയ മോഷണക്കുറ്റം ആരോപിച്ച പെൺകുട്ടിയുടെ അമ്മ പ്രഭാവതി ആന്ധ്രപ്രദേശിലെ സമൽകോട് പൊലീസ്​ സ്​റ്റേഷനിൽ നൽകിയ പരാതിയുടെ അടിസ്ഥാനത്തിൽ ചൈൽഡ്​ ലൈൻ പ്രവർത്തകർ ചെന്നൈയിലെ ടി. നഗറിലുള്ള നടിയുടെ വീട്ടിൽ തിരച്ചിൽ നടത്തിയിരുന്നു. ​നാല്​ പെൺകുട്ടികൾ അനധികൃതമായി നടിയുടെ വീട്ടിൽ ജോലിചെയ്യുന്നുണ്ടെന്നും ലൈംഗികമായി ഉപദ്രവിച്ചതായി പെൺകുട്ടി മൊഴി നൽകിയിട്ടുണ്ടെന്നും ചൈൽഡ്​ ലൈൻ ഉദ്യോഗസ്ഥൻ ബാലവകാശ കമ്മീഷനെ അറിയിച്ചു​. മനുഷ്യക്കടത്തുമായി ഇതിന്​ ബന്ധമുണ്ടെന്ന്​ സംശയിക്കുന്നതായും അദ്ദേഹം​ പറഞ്ഞു.

കുട്ടിയുടെ അമ്മയും നടിയും ബാലാവകാശ നിയമം ലംഘിച്ചു. പെൺകുട്ടികളെയെല്ലാം ആന്ധ്രയിൽ നിന്നും ചെന്നൈയിൽ എത്തിച്ചത്​ ഒരേ ഇടനിലക്കാരനാണെങ്കിൽ ഇത്​ കുട്ടിക്കടത്താണെന്ന്​ സംശയിക്കേണ്ടിയിരിക്കുന്നുവെന്നും അദ്ദേഹം അഭിപ്രായപ്പെട്ടു. ഇതുമായി ബന്ധപ്പെട്ട്​ എൻ.സി.പി.സി.ആറിനും സംസ്ഥാന കമ്മീഷനും അച്യുത റാവു കത്തയച്ചിട്ടുണ്ട്​. ഭാനുപ്രിയയെ അറസ്റ്റ് ചെയ്യാനും കത്തിൽ ആവശ്യപ്പെട്ടിട്ടുണ്ട്.

വീട്ടിൽ ജോലി ചെയ്യുന്ന പെൺകുട്ടിക്ക്​ 14 വയസാണ്​ പ്രായം. അവൾക്ക്​ 18 വയസ്സെന്ന്​ തെറ്റിധരിപ്പിച്ചാണ്​ പെൺകുട്ടിയെ ജോലിക്ക്​ നൽകിയതെന്നും​ ഭാനുപ്രിയ പ്രതികരിച്ചു. പെൺകുട്ടിയെ ഉപദ്രവിച്ച ആരോപണവും അവർ നിഷേധിച്ചു.

ത​​​​​​​െൻറ മകളെ നടി വീട്ടിൽ പൂട്ടിയിട്ടിരിക്കുകയാണെന്നും ഒരു വർഷത്തോളമായി മകൾക്ക്​ കൂലി നൽകുന്നില്ലെന്നും കാട്ടിയാണ്​ പ്രഭാവതി പരാതി നൽകിയത്​. എന്നാൽ ഒന്നര ലക്ഷത്തോളം രൂപയുടെ സാധന സാമഗ്രികൾ വീട്ടിൽ നിന്നും പെൺകുട്ടി മോഷ്​ടിച്ചിരുന്നു. ഇതിനെതിരെ പരാതി നൽകിയതോടെയാണ്​ പ്രഭാവതി തനിക്കെതിരെ ആരോപണമുന്നയിക്കുന്നതെന്ന്​ ഭാനുപ്രിയ അറിയിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:child traffickingmovie newsBhanupriya
News Summary - 3 Minors Found At South Indian Actress' Home-movie news
Next Story