ഉലകനായകന്‍െറ 'തൂങ്കാവനം' - ട്രൈലര്‍

ഉലകനായകന്‍ കമല്‍ഹാസന്‍ നായകനാകുന്ന തൂങ്കാവനത്തിന്‍റെ ട്രൈലര്‍ പുറത്തിറങ്ങി. തൃഷയും ആശ ശരത്തുമാണ് നായികമാര്‍. നവാഗതനായ രാജേഷ് ആണ് സംവിധാനം. കമല്‍ഹാസന്‍ തന്നെയാണ് ചിത്രത്തിന്‍റെ തിരക്കഥ കൈകാര്യം ചെയ്യുന്നത്. 2011ല്‍ പുറത്തിറങ്ങിയ ഫ്രഞ്ച് ചിത്രം സ്ളീപ്്ലെസ് നൈറ്റ്സിന്‍റെ റിമേക്കാണ് തൂങ്കാവനം.

തമിഴിലും തെലുങ്കിലുമായി നിര്‍മിച്ച പുതിയ ചിത്രം തൂങ്കാവനം നവംബറില്‍ തീയറ്ററുകളില്‍ എത്തും.വേട്ടയാട് വിളയാട് എന്ന ചിത്രത്തിനു ശേഷം കമല്‍ഹാസന്‍ പൊലീസ് വേഷത്തിലത്തെുന്ന ചിത്രമാണ് തൂങ്കാവനം.

പ്രകാശ് രാജ്,  കിഷോര്‍ എന്നിവരാണ് മറ്റു പ്രധാന താരങ്ങള്‍. ജിബ്രാനാണ് സംഗീതം. കമലിന്‍റെ രാജ് കമല്‍ ഇന്‍റര്‍നാഷണലും ശ്രീഗോകുലം മൂവിസുമാണ് നിര്‍മാതാക്കള്‍.