തമിഴ്​ സീരിയൽ നടി പ്രിയങ്ക ആത്മഹത്യ ചെയ്​തു

ചെന്നൈ: തമിഴ്​ സീരിയൽ നടി പ്രിയങ്ക (32) നഗരത്തിലെ വളസരവാക്കത്തെ വീട്ടിൽ തൂങ്ങിമരിച്ചു. ബുധനാഴ്​ച രാവിലെ വീട്ടുജോലിക്കാരി എത്തിയപ്പോഴാണ്​ മൃതദേഹം കണ്ടത്​. സൺ ടി.വിയിലെ വംശം, അപൂർവരാഗങ്ങൾ, ഭൈരവി തുടങ്ങിയ പരമ്പരകളിൽ പ്രിയങ്ക പ്രധാന റോളുകൾ കൈകാര്യം ചെയ്​തിരുന്നു.

രമ്യ കൃഷ്​ണൻ മുഖ്യവേഷം ചെയ്യുന്ന വംശം സീരിയലിലൂടെയാണ്​ പ്രിയങ്ക ശ്രദ്ധിക്ക​െപ്പട്ടത്​. ചില സിനിമകളിലും അഭിനയിച്ചിട്ടുണ്ട്​. മൃതദേഹം റോയപേട്ട ഗവ. ആശുപത്രിയിൽ പോസ്​റ്റ്​മോർട്ടം ചെയ്​തു. മൂന്നുവർഷം മുമ്പായിരുന്നു വിവാഹം. ഭർത്താവ്​ അരുൺബാലയുമായി വേർപിരിഞ്ഞാണ്​ കഴിയുന്നത്​. കുട്ടികളില്ല. പൊലീസ്​ കേസ്​ രജിസ്​റ്റർ ചെയ്​തു.