നിലപാടെടുക്കൂ: മലയാള സിനിമാ സംഘടനകളോട് അഞ്ജലി മേനോൻ

മലയാള ചലച്ചിത്ര രംഗത്ത് പതിനഞ്ചു വർഷത്തോളം പ്രവർത്തിച്ചു വന്ന ഒരു നടിയെ 2017 ൽ ലൈംഗികമായി അപമാനിച്ചു. സംഭവത്തിനു തൊട്ടുപിന്നാലെ പൊലീസിൽ പരാതിയും നൽകി. കുറ്റക്കാർക്കെതിരെ നടപടി ഉറപ്പാക്കാനുളള നടപടിയുമായി ഇവർ മുന്നോട്ടു പോകുന്നു.

കേരളം ശക്തമായ സിനിമാ സംഘടനകൾ പ്രവർത്തിക്കുന്നയിടമാണ്. രാജ്യാന്തര തലത്തിൽ പോലും അഭിനന്ദനം ഏറ്റുവാങ്ങിയ പ്രതിഭാധനരായ അഭിനേതാക്കളും എഴുത്തുകാരും സിനിമാ പ്രവർത്തകരും ഇവിടെയുണ്ടെന്നതു മറക്കുന്നില്ല. എന്നിട്ടും ഇരകളെ പിന്തുണക്കാനുള്ള നടപടികൾ കാണുന്നില്ല. ഇത് തികച്ചും അസ്വസ്ഥത ജനിപ്പിക്കുന്ന ഒരു നിലപാടാണ്.

മീ ടൂ ക്യാമ്പയിന് ബോളിവുഡ് നല്‍കുന്ന പിന്തുണ വലുതാണ്. അഭിമാനത്തിന് നേരെയുള്ള അതിക്രമങ്ങള്‍ സിനിമാ വ്യവസായത്തില്‍ അനുവദിക്കില്ലെന്ന നിലപാടാണ് മുംബൈ സിനിമാ ലോകം കാട്ടിത്തരുന്നത്.

-അഞ്ജലി മേനോന്‍