നടി ആക്രമിക്കപ്പെട്ട സംഭവം: ആഗോള തലത്തിൽ കേരളത്തിന്​ കളങ്കം -ദയാഭായ്

​​െകാച്ചി: നടി ആക്രമിക്കപ്പെട്ട സംഭവം ആഗോളതലത്തിൽ കേരളത്തിന്​ വലിയ കളങ്കമായെന്ന്​ പ്രശസ്​ത സാമൂഹിക പ്രവർത്തക ദയാഭായി. മധ്യപ്രദേശിലെ ആദിവാസി കോളനിയിൽ കഴിയു​േമ്പാൾ വിദേശ ചാനലിൽനിന്ന്​ പ്രതികരണം ചോദിച്ചപ്പോഴാണ്​ ഇക്കാര്യം അറിഞ്ഞതെന്നും അവർ പറഞ്ഞു. ത​​​​െൻറ ജീവിതം അടിസ്​ഥാനമാക്കി ‘ദയാഭായി’ എന്ന പേരിൽ ചിത്രീകരിക്കുന്ന ഹിന്ദി സിനിമയെ കുറിച്ച്​ വിശദീകരിക്കാൻ നടത്തിയ വാർത്തസമ്മേളനത്തിൽ സംസാരിക്കുകയായിരുന്നു അവർ. 

സമൂഹത്തിൽ മാറ്റങ്ങൾ കൊണ്ടുവരേണ്ട മാധ്യമമാണ്​ സിനിമ. അതി​​​​െൻറ മുൻനിരയിലുള്ളവർതന്നെ ഇത്തരം ഹീനകൃത്യങ്ങളിൽ ഭാഗഭാക്കാകുന്നത്​ ഖേദകരമാണ്​. ഇതിനെ ശക്​തമായി വിമർശിക്കേണ്ടവർ താരസംഘടനയുടെ യോഗത്തിൽ മിണ്ടാതിരുന്നത്​ കണ്ടപ്പോൾ ലജ്ജ തോന്നി. പ്രതി അറസ്​റ്റിലായതുകൊണ്ടുമാത്രം എല്ലാം തീരുന്നില്ല. സമൂഹത്തിന്​ പാഠമാകുന്ന തരത്തിൽ ശിക്ഷിക്കപ്പെടണം. അതേസമയം, കൂക്കിവിളിച്ചും തെറിവിളിച്ചും ആൾക്കൂട്ടം വിധി നടപ്പാക്കുന്ന രീതി ശരിയല്ല. ഇൗ സന്ദർഭത്തിൽ സിനിമയുടെ ഭാഗമാകുന്നതിൽ ഏറെ പ്രയാസം തോന്നി. ‘ദയാഭായി’എന്ന സിനിമ ത​​​​െൻറ ജീവിതമാണ്​ പറയുന്നത്​. ആദിവാസികളെയും പരിസ്​ഥിതിയെയും കൂട്ടിയിണക്കി നിർമിക്കുന്ന മറ്റൊരു സിനിമയിൽ ആദിവാസി സ്​ത്രീയായി ​േവഷമിടുന്നുണ്ടെന്നും ഇവർ അറിയിച്ചു.

‘ദയാഭായി’ സംവിധാനം ചെയ്യുന്നത്​ ​ശ്രീവരുൺ ആണ്​. ഷൈൻ ഇൗപ്പൻ ആണ്​ നിർമാതാവ്​. ബംഗാൾ നടി ബിതിത ബാഗ്​ ആണ്​ ദയാഭായി ആയി വേഷമിടുന്നത്​. ദയാഭായിയുടെ കർമ മേഖലയായ മധ്യപ്രദേശിലെ ആദിവാസി കോളനികളിലും മറ്റും ചിത്രീകരണം പൂർത്തിയായി. കോട്ടയത്തും എറണാകുളത്തുമായി ഒരാഴ്​ചത്തെ ഷൂട്ടിങ്​  ഉണ്ട്​. ​നാലുകോടിയാണ്​ നിർമാണ ചെലവ്​​. ​​ശ്രീഅരുൺ, ബിതിത ബാഗ്​, വെട്ടം മൂവീസ്​ മാനേജർ ബിജിൻ കൃഷ്​ണകുമാർ എന്നിവരും വാർത്ത സമ്മേളനത്തിൽ പ​െങ്കടുത്തു. സിനിമയുടെ പോസ്​റ്റർ നടി ബിതിത ബാഗ്​ പ്രകാശനം ചെയ്​തു.