രാഷ്​ട്രപതിയിൽ നിന്ന്​ അവാർഡ് സ്വീകരിക്കുന്നത് കലാകാരന്‍റെ സ്വപ്നം -റസൂൽ പൂക്കുട്ടി

നിലമ്പൂര്‍: രാഷ്​ട്രപതിയിൽ നിന്ന്​​ അവാര്‍ഡ് സ്വീകരിക്കുന്നത് ഏതൊരു കലാകാര‍​െൻറയും സ്വപ്‌നമാണെന്നും ഇത്തവണ മാറ്റമുണ്ടായത് നടത്തിപ്പുകാരുടെ പിഴവാണെന്നും ഓസ്കാർ അവാർഡ് ജേതാവ് റസൂൽ പൂക്കുട്ടി. നിലമ്പൂരുമായി തനിക്ക് വളരെയധികം ആത്മബന്ധമുണ്ടെന്ന് അദ്ദേഹം പറഞ്ഞു.

നിലമ്പൂർ കോവിലകത്ത് മുറിയിലെ അരുൺ വർമ ത‍​െൻറ ദശാബ്​ദങ്ങളായുള്ള സുഹൃത്താണ്.ഓസ്‌കാര്‍ അവാര്‍ഡ് സ്വീകരിച്ചശേഷംതന്നെ ആദ്യമായി വിളിച്ച് അഭിനന്ദിച്ചത് പാണക്കാട് ശിഹാബ് തങ്ങളാണ്. സുകുമാര്‍ അഴീക്കോട് തന്നെക്കുറിച്ച് മുഖപ്രസംഗം വരെ എഴുതിയെന്നും അദ്ദേഹം കൂട്ടിച്ചേർത്തു. നിലമ്പൂർ പീവീസ് പബ്ലിക് സ്‌കൂളി‍ൽ മിഷന്‍ 2020ന് തുടക്കം കുറിക്കാനെത്തിയ അദ്ദേഹം ‘മീറ്റ് ദ പ്രസി’ല്‍ സംസാരിക്കുകയായിരുന്നു അദ്ദേഹം.