പ്രകാശ്​ രാജ്​ രാഷ്​ട്രീയത്തിലേക്ക്​

ബെംഗളൂരു: പുതുവർഷ രാവിൽ രാഷ്ട്രീയ പ്രവേശനം പ്രഖ്യാപിച്ച്​ തെന്നിന്ത്യൻ നടൻ പ്രകാശ്​ രാജ്​. 2019 ലോക്​സഭാ തെരഞ്ഞെടുപ്പിൽ സ്വതന്ത്ര സ്ഥാനാർഥിയായി മത്സരിക്കുമെന്ന്​ ട്വിറ്ററിലൂടെയാണ്​ താരം പ്രഖ്യാപിച്ചത്​. പുതുവർഷത്തിൽ പുതിയ തുടക്കമാണെന്നും കൂടുതൽ ഉത്തരവാദിത്വങ്ങൾ ഏറ്റെടുക്കുകയാണെന്നും പുതുവര്‍ഷം ആശംസിച്ചുകൊണ്ടുള്ള ട്വീറ്റിലൂടെ പ്രകാശ് രാജ് അറിയിച്ചു.

‘‘പുതുവർഷ ആശംസകൾ... പുതിയ തുടക്കം, കൂടുതൽ ഉത്തരവാദിത്വങ്ങൾ. നിങ്ങളുടെ സഹായത്തോടെ അടുത്ത പാർലമ​​​െൻറ്​ തെരഞ്ഞെടുപ്പിൽ സ്വതന്ത്ര സ്ഥാനാർഥിയായി മത്സരിക്കും. ജനവിധി തേടുന്ന മണ്ഡലം സംബന്ധിച്ച വിശദാംശങ്ങൾ ഉടന്‍ അറിയിക്കും. അബ് കി ബാര്‍ ജനതാ സര്‍ക്കാര്‍.. പൗരൻമാരുടെ ശബ്​ദമാണ്​ പാർലമ​​​െൻറിൽ ഉയരുക’’- എന്നാണ്​ പ്രകാശ് രാജ്​ ട്വീറ്റ് ചെയ്​തത്​.

HAPPY NEW YEAR TO EVERYONE..a new beginning .. more responsibility.. with UR support I will be contesting in the coming parliament elections as an INDEPENDENT CANDIDATE. Details of the constituency soon. Ab ki baar Janatha ki SARKAR #citizensvoice #justasking in parliament too..

— Prakash Raj (@prakashraaj) December 31, 2018

മാധ്യമ പ്രവര്‍ത്തക ഗൗരി ലങ്കേഷി​​​​െൻറ കൊലപാതകത്തിന് ശേഷം മോദി സർക്കാറിനെതിരെയും സംഘപരിവാർ സംഘടനകൾക്കെതിരെയും രൂക്ഷ വിമർശനവുമായി രംഗത്തെത്തിയിരുന്നു.

പ്രകാശ്​ രാജി​​​​െൻറ രാഷ്ട്രീയ പ്രവേശന പ്രഖ്യാപനത്തിന് സോഷ്യൽ മീഡയയിൽ മികച്ച പ്രതികരണമാണ് ലഭിക്കുന്നത്​​. നേരത്തെ സൂപ്പർ സ്​റ്റാർ രജനികാന്തിനും കമല്‍ഹാസനും പുതിയ പാർട്ടികൾ പ്രഖ്യാപിച്ചുകൊണ്ട്​ രാഷ്​ട്രീയത്തിലേക്ക്​ കടന്നിരുന്നു.