ലോസ് ആഞ്ചൽസ്: 90–ാമത് ഓസ്കർ പുരസകാരപ്രഖ്യാപന ചടങ്ങ് അവസാനിച്ചു. ലോസ് ആഞ്ചൽസിലെ ഡോൾബി തിയറ്ററിൽ നടന്ന ചടങ്ങിൽ ഹാസ്യ താരം ജിമ്മി കിമ്മലായിരുന്നു അവതാരകൻ. ത്രീ ബിൽബോർഡ് എബ്ബിങ് മിസൗറി എന്ന ചിത്രത്തിലൂടെ ഫ്രാൻസെസ് മക്ഡോർമണ്ട് മികച്ച നടിയായി. മക്ഡോർമണ്ടിെൻറ രണ്ടാം ഒാസ്കാറാണിത്. ഇതോടെ രണ്ട് ഒാസ്കർ ലഭിക്കുന്ന അഞ്ചാമത്തെ നടിയായി ഫ്രാൻസെസ്. ഗാരി ഒാൾഡ്മാൻ ഡാർക്കസ്റ്റ് അവറിലൂടെ മികച്ച നടനായി. അഭിനയ രംഗത്ത് നിന്നും വിരമിക്കാനൊരുങ്ങുന്ന ഒാൾഡ്മാന്ഇത് ഫെയർവെൽ പുരസ്കാരമാണ്.
ഷേപ് ഒാഫ് വാട്ടർ മികച്ച സിനിമയായി തിരഞ്ഞെടുക്കപ്പെട്ടപ്പോൾ, ഷേപ് ഒാഫ് വാട്ടറിലൂടെ ഗില്ലെർമോ ഡെൽടോറോ മികച്ച സംവിധായകനായി തിരഞ്ഞെടുക്കപ്പെട്ടു. 24 വിഭാഗങ്ങളിലാണ് പുരസ്കാരങ്ങൾ പ്രഖ്യാപിച്ചത്. പതിമൂന്നു നാമനിർദേശങ്ങളോടെ ‘ദ ഷേപ്പ് ഓഫ് വാട്ടർ’ ഓസ്കറിൽ ശ്രദ്ധാകേന്ദ്രമായിരുന്നു.
ഒാസ്കർ ചടങ്ങിൽ ആദ്യമായി പ്രഖ്യാപിച്ച മികച്ച സഹനടനുള്ള പുരസ്കാരം ‘ത്രീ ബിൽബോർഡ് ഔട്ട്സൈഡ് എബ്ബിങ്, മിസോറി’യിലെ അഭിനയത്തിന് സാം റോക്ക്‌വെൽ നേടി. െഎ ടാനിയ എന്ന ചിത്രത്തിലെ അഭിനയത്തിന് അലിസൻ ജാനി മികച്ച സഹനടിയായി.
മികച്ച വിദേശ ചിത്രമായി ചിലെയിൽ നിന്നുള്ള ‘എ ഫൻറാസ്റ്റിക് വുമൺ’ തെരഞ്ഞെടുത്തു. ഡൻകിർക്കിന് മൂന്ന് അവാർഡുകൾ ലഭിച്ചു. മികച്ച ശബ്ദ സംയോജനത്തിനും ശബ്ദ മിശ്രണത്തിനും ഫിലിം എഡിറ്റിങ്ങിനുമാണ് ഡൻകിർക് പുരസ്കാരം നേടിയത്. ദ ഷേപ്പ് ഒാഫ് വാട്ടറിന് മികച്ച കലാ സംവിധാനത്തിന് പുരസ്കാരം ലഭിച്ചു.
മികച്ച ചമയത്തിനും കേശാലങ്കാരത്തിനുമുള്ള അവാർഡ് രണ്ടാം ലോക മഹായുദ്ധ കാലത്തെ കഥ പറയുന്ന ഡാർക്കസ്റ്റ് അവർ എന്ന ചിത്രത്തിന് ലഭിച്ചു. ഫാൻറം ത്രെഡ് എന്ന ചിത്രത്തിൽ പോൾ തോമസ് ആൻഡേഴ്സന് വസ്ത്രം ഒരുക്കിയ മാർക്ക് ബ്രിഡ്ജസിന് മികച്ച വസ്ത്രാലങ്കാരത്തിനുള്ള പുരസ്കാരം ലഭിച്ചു. മികച്ച ഡോക്യുമെൻററി ഫീച്ചറായി ഇക്കരസിെന തെരഞ്ഞെടുത്തു.
- മികച്ച ചിത്രം - ഷേപ് ഒാഫ് വാട്ടർ
- മികച്ച നടി - ഫ്രാൻസിസ് മക്ഡോർമണ്ട് - ത്രീ ബിൽബോർഡ്സ് ഒൗട്ട് സൈഡ് എബ്ബിങ് മിസൗറി
- മികച്ച നടൻ - ഗാരി ഒാൾഡ് മാൻ - ഡാർക്കസ്റ്റ് അവർ
- മികച്ച സംവിധായകൻ - ഗില്ലെർമോ ഡെൽടോറോ - ഷേപ് ഒാഫ് വാട്ടർ
- മികച്ച തിരക്കഥ - ജോർദാൻ പീലി - ഗെറ്റ് ഒൗട്ട്
- മികച്ച സഹനടി – അലിസൺ ജാനി – ഐ ടാനിയ
- മികച്ച സഹനടൻ – സാം റോക്ക്‌വെൽ – ത്രീ ബിൽബോർഡ്സ് ഒൗട്ട്സൈഡ് എബ്ബിങ്, മിസൗറി
- മികച്ച വിദേശ ഭാഷാചിത്രം – ഫന്റാസ്റ്റിക്ക് വുമൺ – സംവിധാനം – ചിലെ
- മികച്ച ഗാനം - ക്രിസ്റ്റൻ ആൻഡേഴ്സൻ, റോബർട്ട് ലോപസ് - റിമമ്പർ മീ - കോക്കോ
- മികച്ച പശ്ചാത്തല സംഗീതം - അലക്സാന്ദ്രെ ഡെസ്പ്ലാറ്റ് - ഷേപ് ഒാഫ് വാട്ടർ
- ഛായാഗ്രഹണം - റോജർ ഡീകിൻസ് - ബ്ലേഡ് റണ്ണർ 2049
- ഫിലിം എഡിറ്റിങ് – ലീ സ്മിത്ത് – ഡൻകിർക്ക്
- സൗണ്ട് മിക്സിങ് – ഗ്രിഗ് ലാൻഡേക്കർ, ഗാരി എ. റിസോ, മാർക്ക് വെയ്ൻഗാർട്ടെൻ – ചിത്രം – ഡൻകിർക്ക്
- സൗണ്ട് എഡിറ്റിങ് – റിച്ചാർഡ് കിങ്, അലെക്സ് ഗിബ്സൺ – ഡൻകിർക്ക്
- വിഷ്വൽ ഇഫെക്റ്റ്സ് – ബ്ലേഡ് റണർ – ജോൺ നെൽസൺ, ജേർഡ് നെഫ്സർ, പോൾ ലാംബേർട്ട്, റിച്ചാർഡ് ആർ. ഹൂവർ
- മികച്ച ആനിമേഷൻ ചിത്രം – കൊകൊ – സംവിധാനം – ലീ ഉൻക്രിച്ച്, ഡർലാ കെ. ആൻഡേഴ്സൺ
- ഡോക്യുമെന്ററി ഫീച്ചർ : ഐക്കറസ് – ബ്രയാൻ ഫോഗൽ, ഡാൻ കോഗൻ
- അഡാപ്റ്റഡ് സ്ക്രീൻ പ്ലേ – കോൾ മീ ബൈ യുവർ നെയിം – തിരക്കഥ: ജെയിംസ് ഐവറി
- ലൈവ് ആക്‌ഷൻ ഷോർട്ട് – ദ് സൈലന്റ് ചൈൽഡ് – സംവിധാനം: ക്രിസ് ഓവർടൺ, റേച്ചൽ ഷെൻടൻ
- ഡോക്യുമെന്ററി ഷോർട്ട് – ഹെവൻ ഇസ് എ ട്രാഫിക് ജാം ഓൺ ദ് 405 – സംവിധാനം: ഫ്രാങ് സ്റ്റിഫൽ
- മികച്ച ആനിമേറ്റഡ് ഷോർട്ട് ഫിലിം – ഡിയർ ബാസ്ക്കെറ്റ് ബോൾ – സംവിധാനം – ഗ്ലെൻ കിയെൻ, കോബ് ബ്രയന്റ്
- പ്രൊഡക്ഷൻ ഡിസൈൻ – പോൾ ഡെൻഹാം ഒാസ്റ്റെർബെറി – ദ് ഷെയ്പ് ഒാഫ് വാട്ടർ
- കോസ്റ്റ്യൂം – മാർക്ക് ബ്രിഡ്ജസ് – ഫാന്റം ത്രെഡ്
- മേക്കപ്പ് ആൻഡ് ഹെയർ സ്റ്റൈലിങ് – ഡേവിഡ് മലിനോവ്സ്കി, ലൂസി സിബ്ബിക് – ഡാർക്കസ്റ്റ് അവർ