Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMovie Newschevron_rightശ്രീദേവിയുടെ മരണകാരണം...

ശ്രീദേവിയുടെ മരണകാരണം പരിശോധിക്കാൻ മെഡിക്കൽ സംഘം: തലയിൽ മുറിവെന്ന്​ റിപ്പോർട്ട്​

text_fields
bookmark_border
sridevi.
cancel

ദുബൈ: നടി ശ്രീദേവിയുടെ ഫോറൻസിക്​ റിപ്പോട്ടും മരണകാരണങ്ങളും പരിശോധിക്കുന്നതിന്​ പുതിയ മെഡിക്കൽ സംഘത്തെ നിയോഗിച്ചതായി ദുബൈ പൊലീസ്​. ശ്രീദേവിയുടെ തലയിൽ ആഴത്തിലുള്ള മുറിവുണ്ടെന്ന്​ പുറത്തുവന്ന ഫോറൻസിക് റിപ്പോർട്ടിൽ രേഖപ്പെടുത്തിയിരുന്നു. ബാത്ത്​ ടബ്ബിലേക്ക്​ വീണപ്പോൾ ഉണ്ടായ പരിക്കാണോ ഇതെന്ന്​  പരിശോധിക്കുകയാണ്​. റിപ്പോർട്ടിൽ രേഖപ്പെടുത്തിയിരിക്കുന്ന കാര്യങ്ങളും മരണകാരണവും പരിശോധിക്കുന്നതിനാണ്​ മെഡിക്കൽ പാനലിനെ ചുമതലപ്പെടുത്തിയിരിക്കുന്നത്​. തലയിലുണ്ടായ മുറിവ്​ വീഴ്ചയിലുണ്ടായതാണെന്നു തെളിഞ്ഞാൽ കൂടുതൽ അന്വേഷണങ്ങളിലേക്കു കടക്കാതെ മൃതദേഹം വിട്ടുകൊടുക്കുമെന്നാണ്​ സൂചന.  

മൃതദേഹം വിട്ടുകിട്ടുന്നതിന്​ പുതിയ ക്ലിയൻസ്​ കൂടി ശരിയാക്കാനുണ്ടെന്ന്​ ദുബൈ പൊലീസ് ഇന്ത്യൻ നയതന്ത്ര അധികൃതരെ അറിയിച്ചിരുന്നു​. മൃതദേഹം നാട്ടിലെത്തിക്കാൻ അധികൃതരിൽ നിന്ന്​ മറ്റൊരു ക്ലിയൻസ്​ സർട്ടിഫിക്കറ്റ്​ കൂടി ശരിയാക്കേണ്ടതുണ്ടെന്നും പ്രാദേശിക അധികൃതരുമായി ബന്ധപ്പെട്ട്​ ഇക്കാര്യങ്ങൾ വേഗത്തിലാക്കാൻ ശ്രമിക്കുകയാണെന്നും ഇന്ത്യൻ എംബസി ഉദ്യോഗസ്ഥൻ നവദീപ്​ സൂരി അറിയിച്ചു. മൃതദേഹം പെട്ടന്ന്​ വിട്ടുകിട്ടാനുള്ള ശ്രമത്തിലാണ്​. സാധാരണ കേസുകളിൽ നടപടി ക്രമങ്ങൾ പൂർത്തിയാക്കാൻ 2-3 ദിവസം എടുക്കേണ്ടി വരുമെന്നും സൂരി ട്വിറ്ററിലൂടെ വെളിപ്പെടുത്തി. 

അതേസമയം, ഭർത്താവ്​ ബോണി കപൂറിനെ പൊലീസ്​ വീണ്ടും ചോദ്യം ചെയ്​തു. മൃതദേഹം വിട്ടു നൽകുന്നതുവരെ ബോണി കപൂർ രാജ്യം വിടരുതെന്നും ദുബൈ പൊലീസ്​ അറിയിച്ചിട്ടുണ്ട്​. 

ശ്രീദേവിയുടേത്​ മുങ്ങിമരണമാണെന്ന്​ രേഖപ്പെട​ു​ത്തി കഴിഞ്ഞ ദിവസം ഡെത്ത്​ സർട്ടിഫിക്കൽ നൽകിയിരുന്നു. തുടർന്ന്​ ദുബൈ പൊലീസ്​ ഭർത്താവ് ബോണി കപൂറി​​​​െൻറ മൊഴിയെടുക്കുകയും ചെയ്​തു.  പബ്ലിക് പ്രോസിക്യൂഷൻ അനുമതി നൽകിയാൽ മാത്രമേ മൃതദേഹം വിട്ടു കൊടുക്കുന്നതിനും എംബാം ചെയ്യുന്നതിനും നാട്ടിലേക്കു കൊണ്ടു പോകുന്നതിനുമുള്ള രേഖകൾ ദുബൈ പൊലീസ് കൈമാറുകയുള്ളൂ.

പബ്ലിക് പ്രോസിക്യൂഷനിലെ നടപടിക്രമങ്ങൾ പൂർത്തിയാക്കി ഉച്ചക്കു ശേഷം മൃതദേഹം എംബാമിങ്ങിന് അയക്കുമെന്നാണ്​ റിപ്പോർട്ട്​. നടപടികളെല്ലാം പൂർത്തിയാക്കി വൈകിട്ടോടെ മൃതദേഹം മുംബൈയിൽ എത്തിക്കുമെന്നാണ്​ സൂചന. ഇന്ത്യൻ എംബസിയുടെയും കോൺസുലേറ്റി​​േൻറയും നേതൃത്വത്തിൽ മൃതദേഹം വിട്ടുകിട്ടുന്നതിനുള്ള ശ്രമങ്ങൾ തുടരുകയാണ്. 

റാസൽഖൈമയിൽ ബന്ധുവി​​​​െൻറ വിവാഹാഘോഷങ്ങളിൽ പ​െങ്കടുക്കാനെത്തിയ ശ്രീദേവിയെ ശനിയാഴ്​ച രാത്രി ഹോട്ടൽ മുറിയിൽ ബാത്ത്​ ടബ്ബിൽ ചലനമറ്റനിലയിൽ കണ്ടെത്തുകയായിരുന്നു.  

Show Full Article
TAGS:sridevi bollywood actress Deep Wound movie news malayalam news 
News Summary - New Clearence to Release the Body of Sridevi - Movie News
Next Story