തെലുഗു സംസാരിച്ച്​ ‘നൈറോബി’; സൂപ്പർ ഹിറ്റായി വിഡിയോ video

ന്യൂഡൽഹി: സ്​പാനിഷ്​ സൂപ്പർ ഹിറ്റ്​ ടി.വി ഷോയായ ‘മണി ഹീസ്​റ്റ്’ ലോക്​ഡൗൺ കാലത്ത്​ ഇന്ത്യയിലടക്കം വൻ തരംഗമായി മാറിയിരുന്നു. ക്രൈം ഡ്രാമ സീരിസായ മണി ഹീസ്​റ്റിൽ ആരാധകരുടെ മനം കവർന്ന കഥാപാത്രങ്ങളിൽ ഒന്നാണ്​ ‘നൈറോബി’. നൈറോബിയായി വേഷമിട്ട സ്​പാനിഷ്​ അഭിനേത്രി ആൽബ ഫ്ലോറസ്​ തെലുഗു സംസാരിക്കുന്ന വിഡിയോ കുറച്ച്​ ദിവസങ്ങളിലായി സമൂഹ മാധ്യമങ്ങളിൽ വൈറലാണ്​. 2013ൽ കരിയറിൻെറ തുടക്കകാലത്ത്​ അഭിനയിച്ച ‘വിസെൻെറ ഫെറർ’ എന്ന ചിത്രത്തിലെ രംഗമാണിപ്പോൾ വൈറലായത്​. നല്ല ഒഴുക്കോടെ തെലുഗു സംസാരിക്കുന്ന ആന്ധ്രക്കാരിയായ ഷമീറയായാണ്​ ​33കാരിയായ ഫ്ലോറസ്​ ചിത്രത്തിൽ വേഷമിട്ടത്​. സാരിയുടുത്ത്​ ഇന്ത്യൻ ലുക്കിലുള്ള ഫ്ലോറസിൻെറ ചിത്രങ്ങളും ആരാധകർ ഏറ്റെടുത്തു. 

സ്​പാനിഷ്​ സിനിമയിലെ രംഗം അഞ്ചുദിവസങ്ങൾക്ക്​ മുമ്പ്​ ടിക്​ടോകിലാണ്​ ആദ്യമായി പ്രത്യക്ഷപ്പെട്ടത്​. ആയിരക്കണക്കിന്​ കാഴ്​ചക്കാരെയാണ്​ കുറഞ്ഞ സമയം കൊണ്ട്​ വിഡിയോക്ക്​ ലഭിച്ചത്​. യൂട്യൂബിൽ വിഡിയോ റീപോസ്​റ്റ്​ ചെയ്​തതോടെ സംഗതി വൈറലാകു​കയും ചെയ്​തു. ഇതിനോടകം എട്ടുലക്ഷത്തോളം പേർ കണ്ട വിഡിയോക്ക്​ 8000ത്തിലധികം ലൈക്ക്​ ലഭിച്ചു.​ ​ 

താരത്തിൻെറ അഭിനയ മികവിനെ പുകഴ്​ത്തി നിരവധി ആരാധകരാണ്​ സമൂഹമാധ്യമങ്ങളിൽ കമൻറ്​ ചെയ്​തത്​. ‘നൈറോബി’ തെലുഗു സംസാരിക്കുന്നത്​ കണ്ട്​ അത്ഭുതം കൂറുകയാണ്​ ചിലർ. ചില ഫാൻപേജുകൾ വി​സെൻെറ ഫെററിലെ ഫ്ലോറസിൻെറ ചിത്രങ്ങളും പങ്കു​വെച്ചു​. സ്​പെയിനിലെ ആൻറിന മൂന്ന്​ ചാനലിൽ സംപ്രേഷണം ചെയ്​ത 15 എപിസോഡുകളുള്ള ടെലിവിഷൻ പരമ്പരയായ ‘ല കാസ ദെ പാപ്പെൽ’ നെറ്റ്​ഫ്ലിക്​സിൽ സ്​ട്രീം ചെയ്യാൻ തുടങ്ങിയതോടെയാണ്​ അന്താരാഷ്​ട്ര തലത്തിൽ ​ശ്രദ്ധിക്കപ്പെട്ടത്​. നെറ്റ്​ഫ്ലിക്​സിൽ ഏറ്റവും കൂടുതൽ സ്​ട്രീം ചെയ്​ത ഇംഗ്ലീഷ്​ ഇതര ഷോ ആണ്​ മണി ഹീസ്​റ്റ്.​  

 

 

 

 

View this post on Instagram

 

 

 

 

 

 

 

 

 

She is such a versatile actress, I’m totally amazed  Can y’all believe that she played such heavy roles right in the start of her career  I mean, if THAT was the start, I can’t imagine what she’ll do in the future, she’s already above the skies right now, and she achieved ALL of this fame and love with side roles  She is really out there winning millons of hearts and blowing my mind a little more everyday with every second that passes  @albafloresoficial you are UNBELIEVABLE The movie is called ‘Vicente Ferrer’  @albafloresoficial

A post shared by Alba Flores Fanpage (@albaflores.stan) on May 13, 2020 at 9:21am PDT