അവാർഡ് ലഭിച്ചതിൽ ഏറെ സന്തോഷം -മോഹൻലാൽ (VIDEO)

കൊച്ചി: ദേശീയ പുരസ്കാരം ലഭിച്ചതിൽ ഏറെ സന്തോഷമുണ്ടെന്ന് നടൻ മോഹൻലാൽ. അവാർഡ് പ്രതീക്ഷിച്ചിരുന്നില്ല. സാമ്പത്തികമായി വലിയ നേട്ടം കൊയ്ത ചിത്രങ്ങൾ അവാർഡിനു പരിഗണിക്കപ്പെടുന്നതിൽ സന്തോഷമുണ്ട്. ഇതര ഭാഷയിൽ അഭിനയിച്ച ചിത്രത്തിനുൾപ്പെടെയാണ് അവാർഡ് ലഭിച്ചതെങ്കിലും മലയാളത്തിനും സിനിമക്കും ലഭിച്ച അംഗീകാരമാണിതെന്നും മോഹൻലാൽ പറഞ്ഞു. കൊച്ചിയില്‍ ബി. ഉണ്ണിക്കൃഷ്ണന്‍ സംവിധാനം ചെയ്യുന്ന വില്ലന്‍' എന്ന ചിത്രത്തിന്‍റെ ലൊക്കേഷനില്‍ വെച്ചായിരുന്നു ലാലിന്‍റെ പ്രതികരണം. 

മുന്തിരി വള്ളികൾ തളിർക്കുമ്പോൾ, ജനതാ ഗാരേജ്, പുലിമുരുകന്‍ എന്നീ ചിത്രങ്ങളിലെ അഭിനയത്തിനാണ് മോഹൻലാലിന് പ്രത്യേക പരാമർശം ലഭിച്ചത്.