മെർസൽ വിവാദം: ബി.ജെ.പി സെക്രട്ടറിക്കെതിരെ പരാതി

ചെന്നൈ: ‘മെർസൽ’ സിനിമാവിവാദത്തിൽ നടൻ വിജയ്​യുടെ ജാതിപ്പേര്​ ഉപയോഗിച്ച്​ വർഗീയത വളർത്താൻ ശ്രമിച്ചതിന്​ ബി.ജെ.പി ദേശീയ സെക്രട്ടറി എച്ച്​. രാജക്കെതിരെ കേസെടുക്കണമെന്നാവശ്യപ്പെട്ട്​ യുവജനതാദൾ (യു) ദേശീയ പ്രസിഡൻറ്​ സലീം മടവൂർ തമിഴ്​നാട്​ ഡി.ജി.പി ടി.കെ. രാജേന്ദ്രന്​ പരാതി നൽകി.

ക്രിസ്​ത്യാനിയായ വിജയ്​ ഹിന്ദുക്കളെ പ്രകോപിപ്പിക്കാനാണ്​ സിനിമയിൽ ജി.എസ്​.ടിയെ വിമർ​ശിക്കുന്നതെന്ന്​ പ്രസ്​താവിച്ച രാജ, സിനിമയുടെ നിർമാതാവായ തെനാണ്ടൽ സിനിമ കമ്പനിയുടെ ഉടമകളിൽ ഒരാളായ ഹീമാ രുക്​മാനിയും ക്രിസ്​ത്യാനിയാ​െണന്ന്​ പറഞ്ഞിരുന്നുവെന്ന്​ പരാതിയിൽ പറയുന്നു. മതവിശ്വാസികൾ തമ്മിൽ ശത്രുത വളർത്താനാണ്​ രാജ ശ്രമിച്ചതെന്ന്​ പരാതിയിൽ ചൂണ്ടിക്കാട്ടി.