മധുവാര്യർ സംവിധാനം ചെയ്യുന്ന ചിത്രത്തിൽ മഞ്ജു നായിക

മഞ്ജു വാര്യരുടെ സഹോദരനും നടനുമായ മധു വാര്യര്‍ സംവിധാനം ചെയ്യുന്നു. മഞ്ജു നായികയാകുന്ന ചിത്രത്തിൽ ബിജു മേനോന ാണ് നായകൻ. മോഹന്‍ദാസ് ദാമോദരന്റെ നിര്‍മാണത്തില്‍ പ്രമോദ് മോഹനാണ് തിരക്കഥയൊരുക്കുന്നത്. ഫേസ്ബുക്കിലൂടെ മധു വാര്യര്‍ തന്നെയാണ് ഇക്കാര്യം അറിയിച്ചത്.

'ഒരു സിനിമ സംവിധാനം ചെയ്യുക എന്ന എന്റെ ഏറെ നാളത്തെ സ്വപ്നം സഫലമാകുന്നു. മോഹന്‍ദാസ് ദാമോദരന്‍ നിര്‍മ്മിച്ച് പ്രമോദ് മോഹന്റെ രചനയില്‍ മഞ്ജുവും ബിജുവേട്ടനും പ്രധാന വേഷങ്ങള്‍ അവതരിപ്പിക്കുന്നു. നിങ്ങളുടെ എല്ലാവരുടേയും പ്രാര്‍ത്ഥനയും പ്രോത്സാഹനവും ഉണ്ടാകണമെന്ന് അപേക്ഷിക്കുന്നു'-മധു കുറിച്ചു.