ബിഗ്​ബോസ്​ തമിഴ്​ റിയാലിറ്റി ഷോയിൽ വനിത താരം ആത്​മഹത്യക്ക്​ ശ്രമിച്ചത്​ വിവാദമാവുന്നു

ചെന്നൈ: കമൽഹാസൻ അവതാരകനായ മൂന്നാമത്​ ബിഗ്​ബോസ്​ തമിഴ്​ റിയാലിറ്റിഷോയിലെ വനിതതാരം ആത്​മഹത്യക്ക്​ ശ്രമിച് ചതായി റിപ്പോർട്ട്​. 100 ദിവസം നീണ്ട ഷോ എട്ടാമത്തെ ആഴ്​ചയിലേക്ക്​ കടക്കവെയാണ്​ ​​ മധുമിത എന്ന താരം ഇടതുകൈ മുറിച്ച്​ ആത്മഹത്യക്ക്​ ശ്രമിച്ചത്​. ഷോയിൽനിന്ന്​ പുറത്താക്കപ്പെട്ട മധുമിതയോട്​ കമൽഹാസൻ അതൃപ്​തി പ്രകടിപ്പിച്ചു. പരിപാടിയിൽ മധുമിതയെ ഏറെ പിന്തുണച്ചിരുന്ന തമിഴ്​ സിനിമ സംവിധായകൻ ചേരനും ഇത്തരമൊരു കൃത്യം നടത്തിയത്​ തെറ്റാണെന്ന്​ പറഞ്ഞു.

കഴിഞ്ഞ കുറെ ദിവസങ്ങളായി ബിഗ്​ബോസ്​ ഹൗസിലെ താരങ്ങൾ ഇരുചേരിയായി മാറിയിരുന്നു. മധുമിതയെ ഷോയിലെ യുവസംഘം ഒറ്റപ്പെടുത്തുകയും ഇവരുമായി വഴക്കിടുകയും ചെയ്​തിരുന്നു. ഇതിൽ മനംനൊന്താണ്​ ആത്മഹത്യശ്രമമെന്ന്​ കരുതപ്പെടുന്നു. മധുമിത കഴിഞ്ഞ ദിവസം ബിഗ്​ബോസ്​ ഹൗസ്​ ക്യാപ്​റ്റനായി തെരഞ്ഞെടുക്കപ്പെട്ടിരുന്നു.

ശനിയാഴ്​ച പുറത്തിറങ്ങിയ പ്രോമോ വിഡിയോവിലൂടെയാണ്​ ആത്മഹത്യ ശ്രമം പുറംലോകമറിഞ്ഞത്​. സംഭവം സമൂഹ മാധ്യമങ്ങളിൽ ചർച്ചയായിട്ടുണ്ട്​. നേര​േത്ത സാംസ്​കാരിക ച്യുതിയുടെ പേരിൽ പരിപാടിക്കെതിരെ വിവിധ സംഘടനകളും പ്രതിഷേധവുമായി രംഗത്തിറങ്ങിയിരുന്നു.