നെഹ്​റു കോളജിലെ ദുരനുഭവം വിവരിച്ച്​ നടി പാർവതി

കോഴിക്കോട്​: പാമ്പാടി നെഹ്​റു എഞ്ചിനീയറിങ്​ കോളജിലെ ദുരനുഭവം വിവരിച്ച്​ നടി പാർവതി. 'സാൾട്ട്​ മാ​േങ്കാ ട്രീ' എന്ന ചിത്രത്തിന്റെ ഷൂട്ടിങ്ങിനായി കോളജിലെത്തിയ പാർവതി നേരിട്ട്​ കണ്ട ദുരനുഭവമാണ്​ പാർവതി ​ഫേസ്​ബുക്കിൽ പോസ്​റ്റ്​ ചെയ്​തിരിക്കുന്നത്​. ഷൂട്ടിങ്ങിന് പോയ നെഹ്റു കോളജ് ജിഷ്ണു പഠിച്ചിരുന്ന കോളജാണെന്ന്​ അറിഞ്ഞത്​ വൈകിയാണെന്നും ഒരുപാട് പഠിച്ച് കുട്ടികൾ മടങ്ങി എത്തുന്നത് വെള്ള തുണിയിൽ പൊതിഞ്ഞാകാതിരിക്കട്ടെ എന്നും നടി കൂട്ടിച്ചേർക്കുന്നു.

ഫേസ്​ബുക്​ പോസ്​റ്റി​െൻറ പൂർണരൂപം

രാജേഷ്​ നായർ സംവിധാനം ചെയ്ത 'സാൾട്ട്​ മാ​േങ്കാ ട്രീ' എന്ന ചിത്രത്തിന്റെ ഷൂട്ടിങ്ങിനാണ് പാലക്കാട് ലക്കിടിക്കടുത്തുള്ള നെഹ്​റു എഞ്ചിനീയറിങ്​ കോളജിൽ പോയത്. ബിജു മോനോനെ ഇൻറർവ്യു ചെയ്യുന്ന പ്രശസ്തമായ രംഗം അവിടെ വെച്ചാണ് ചിത്രീകരിച്ചത്.

ആ ഷൂട്ടിങ്ങിന് പോയപ്പോൾ ഡ്രസ് മാറാനുള്ള റൂം കിട്ടുന്നത് വരെ പുറത്ത് കാറിൽ കാത്തിരുന സമയത്ത് എന്റെ കണ്ണിൽ പെട്ട ഒരു രംഗമുണ്ട്'. ഒരു വിദ്യാർഥി, 19–-20 വയസ്സ് പ്രായം തോന്നിക്കും. ഗേറ്റി​-ലെ സെക്യൂരിറ്റി ഗാർഡിനോട് കെഞ്ചുകയാണ് അകത്തേക്ക് കയറ്റി വിടാൻ. അയാൾ നിഷ്കരുണം 'ഇല്ല' എന്ന് പറയുന്നു. ഞാൻ കാര്യമറിയാൻ അവരുടെ അടുത്തേക്ക് നടന്നു. കേട്ടതിതാണ്...." ചേട്ടാ ചേട്ടാ - പ്ലീസ് ചേട്ടാ.. ഞാൻ ഇന്നലെയും കൂടി താടി വടിച്ചതാണ്. ഇന്ന് അസൈൻമെന്റ് വച്ചില്ലെങ്കിൽ ഫൈൻ ഉണ്ട്,- പ്ലീസ് ചേട്ടാ പ്ലീസ്." മുഖത്ത് താടി ഉണ്ടെങ്കിൽ കയറ്റി വിടാൻ നിവൃത്തിയില്ല എന്ന് അയാൾ. അവസാനം നിവർത്തിയില്ലാതെ കുറേനേരം നിന്ന് ആ വിദ്യാർഥി മടങ്ങി.

പിന്നീട് അധ്യാപകർ വിസിറ്റേഴ്സ് ബുക്കിൽ എഴുതാൻ പറഞ്ഞപ്പോൾ കുട്ടികളോട് ഇങ്ങനെ പെരുമാറുന്ന സ്ഥാപനത്തിലെ ബുക്കിൽ ഞാൻ എഴുതില്ല എന്ന് പറഞ്ഞു - അല്ലെങ്കിൽ മേൽ വിവരിച്ചത് എഴുതാം എന്നും പറഞ്ഞു, 'അയ്യോ, അതു വേണ്ട എന്നായി അവർ ! അദ്ധ്യാപകന്റെ മുഖത്ത് താടി ഉണ്ടല്ലോ എന്ന് ചോദിച്ചപ്പോൾ 'ഓരോ നിയമങ്ങൾ അല്ലേ' എന്നായിരുന്നു മറുപടി.

ഷൂട്ടിങ്ങിന് പോയ നെഹ്റു കോളജ്, ജിഷ്ണു പഠിച്ചിരുന്ന, വിവാദം നടക്കുന്ന അതേ കോളജ് മാനേജ്മെന്റിൻേറത് ആണെന്ന് തിരിച്ചറിഞ്ഞത് വൈകിയാണ്. പാമ്പാടിയിൽ അല്ല, ലക്കിടിയിൽ ആണ് ആ കോളജ്. ഒരു പാട് കുട്ടികൾ പഠിച്ചിട്ടും ഭയാനകമായ മൗനം തളം കെട്ടി നിന്ന ആ കാമ്പസ് എന്നെ അന്ന് വല്ലാതെ അസ്വസ്ഥമാക്കിയിരുന്നു. ഇന്ന് ആ അസ്വസ്ഥത ഉറക്കം കെടുത്തുന്നു... ഡിസിപ്ലിന്റെ പേരിൽ ശ്വാസം മുട്ടിക്കുന്ന പല കോളജുകളിലെയും കുഞ്ഞുങ്ങളുടെ കഴുത്തിലെ കെട്ട് എപ്പോൾ വേണമെങ്കിലും വീണ്ടും മുറുകാം. ഒരു പാട് പഠിച്ച് കുട്ടികൾ മടങ്ങി എത്തുന്നത് വെള്ള തുണിയിൽ പൊതിഞ്ഞാകാതിരിക്കട്ടെ!