ലോക്​ ഡൗണിൽ ലോക്കായ കാമുകൻ; വൈറലായി ഹ്രസ്വ ചിത്രം

സമൂഹ മാധ്യമങ്ങളിൽ വൈറലാവുകയാണ്​  ‘ദി ​ലോക്ക്​ഡ്​ ലൗവർ’ എന്ന ഹ്രസ്വചിത്രം. ലോക്​ഡൗൺ കാലത്ത്​ രണ്ട്​ വീടുകളിലായി ഇരുന്ന് പൂർണമായും മൊബൈൽ ഫോണിൽ​ ചിത്രീകരിച്ചതാണ്​ ഈ ഹ്രസ്വചിത്രം.​ 

ടെലിവിഷൻ മിമിക്രി പരിപാടികളിലൂടെ ശ്രദ്ധേയനായ വിപിൻ ബാലനും ടിക്​ടോക്കിലൂടെയും നിരവധി ഹ്രസ്വ ചിത്രങ്ങളിലൂടെയും ശ്രദ്ധിക്കപ്പെട്ട സ്​നേഹ വിജേഷുമാണ്​ ചിത്രത്തിൽ അഭിനയിച്ചിരിക്കുന്നത്​. 

കഥ, തിരക്കഥ, എഡിറ്റിങ്​​, സംവിധാനം, എന്നിവ കൈകാര്യം ചെയ്​തത്​ വിപിൻ ബാലൻ തന്നെയാണ്​. ലോക്​ഡൗൺ കാലത്ത്​ കാമുകൻ കാമുകിയെ വിഡിയോ കോൾ ചെയ്യുന്നതോടെയാണ്​ ചിത്രം ആരംഭിക്കുന്നത്​. തുടർന്ന്​ നടക്കുന്ന രസകരമായ സംഭവ വികാസങ്ങളാണ്​ ചിത്രത്തിൻെറ ഇതിവൃത്തം.