കിം കി ഡുകിനെതിരെ ലൈംഗികാരോപണവുമായി നടിമാർ

വിശ്വപ്രശസ്​തനായ കൊറിയൻ സംവിധായകൻ കിം കി ഡുകിനെതിരെ ലൈംഗീകാരോപണവുമായി നടിമാർ രംഗത്ത്​. സൗത്ത്​ കൊറിയൻ ദേശീയ ചാനലുകളിലൂടെയാണ്​ നടിമാർ ആരോപണമുന്നയിച്ചത്​. ലൈംഗികമായി ഉപയോഗിക്കുക, ബലാത്സംഘം എന്നിവയാണ്​ കിം കി ഡുകിനെതിരെ നടിമാർ ആരോപിച്ചത്​. മുഖം മറച്ച്​ ചാനലുകളിൽ പ്രത്യക്ഷപ്പെട്ട ഒരു നടി സംവിധായക​ൻ ക്രൂരമായി പീഡിപ്പിച്ചെന്ന്​ പറഞ്ഞു. 
 
കിം കി ഡുകി​​​െൻറ ഏറ്റവും പ്രശസ്​തമായ ചിത്രങ്ങളിൽ ഒന്നായ മോബിയസി​​​െൻറ സെറ്റിൽ വച്ച്​ ലൈംഗികമായി ഉപയോഗി​​ച്ചെന്നാണ്​ ആരോപണം. നടിയുടെ ആരോപണത്തെ തുടർന്ന്​ കിം കി ഡുക്​ മുമ്പ്​ കോടതി കയറിയിരുന്നു. നടിക്ക്​ നഷ്​ടപരിഹാരമായി 5000 ഡോളർ നൽകാൻ കോടതി വിധിക്കുകയും പീഡിപ്പിച്ചതിന്​ തെളിവില്ലാത്തതിനാൽ കേസ്​ തള്ളിപ്പോവുകയാണ്​ ഉണ്ടായത്​. സിനിമയിൽ നിന്നും നടിയെ ഒഴിവാക്കുകയും ചെയ്​തിരുന്നു. 

സിനിമ ഇറങ്ങി നാലുവർഷം കഴിഞ്ഞാണ്​ പൊതു സമൂഹത്തിന്​ മുമ്പിൽ നടിയുടെ വെളിപ്പെടുത്തൽ. തനിക്കിപ്പോഴാണ്​ അവസരം ലഭിച്ചതെന്നും സത്യമറിഞ്ഞിട്ടും സംവിധായക​​​െൻറ സഹപ്രവർത്തകർ ആരും സഹായിച്ചില്ലെന്നും അവർ പറഞ്ഞു.

സിനിമയുടെ സെറ്റിൽ വച്ച്​ സംവിധായകൻ കിം കി ഡുക്​ ബലാത്സംഘം ചെയ്​തെന്നും കിടപ്പട പങ്കിട്ടാൽ അടുത്ത ചിത്രത്തിലും ഉൾപെടുത്താമെന്ന്​ പറഞ്ഞെന്നാണും​ മറ്റൊരു നടിയുടെ ആരോപണം. സിനിമയുടെ പ്രീപ്രൊഡക്ഷൻ സമയത്ത്​ ലൈംഗിക ചുവയുള്ള രീതിയിൽ സംസാരിച്ചെന്ന്​ മറ്റൊരു നടിയും വെളിപ്പെടുത്തി.

തനിക്ക്​ പല സ്​ത്രീകളുമായി ബന്ധമുള്ളതായും അതൊക്കെ അവരുടെ സമ്മതത്തോടെയാ​ണെന്നാണ്​ ആരോപണങ്ങൾ നിഷേധിച്ച്​ ​െകാണ്ടുള്ള കിം കി ഡുകി​​​െൻറ പ്രതികരണം.