നിരോധിച്ച രണ്ട്​ ഡോക്യൂമെന്‍ററിക്ക്​ ഹൈകോടതി അനുമതി

കൊച്ചി: കാരണമില്ലാതെ രണ്ട്​ ​േഡാക്യുമ​​െൻററിയുടെ പ്രദർശനത്തിന്​ അനുമതി നിഷേധിച്ച കേന്ദ്ര വാര്‍ത്താവിതരണ മന്ത്രാലയത്തി​​​െൻറ നടപടി ഹൈകോടതി റദ്ദാക്കി. അതേസമയം, കശ്​മീർ പ്രശ്​ന​േ​ത്താടുള്ള വിദ്യാർഥികളുടെ പ്രതികരണമുൾപ്പെടുന്ന ‘ഇന്‍ ദ ഷേഡ്‌ ഓഫ് ഫാളന്‍ ചിനാര്‍’ ഡോക്യുമ​​െൻററിക്ക്​ അനുമതി നിഷേധിച്ചത്​​ ശരിവെച്ചു. ജെ.എൻ.യു വിദ്യാര്‍ഥി സമരങ്ങളെക്കുറിച്ച ‘മാര്‍ച്ച് മാര്‍ച്ച് മാര്‍ച്ച്’, രോഹിത്​ വെമുല വിഷയം പറയുന്ന ‘അൺബെയറബിൾ ബീയിങ്​​ ഒാഫ്​ ലൈറ്റ്​നെസ്​’ എന്നീ ഡോക്യുമ​​െൻററികൾക്കാണ്​ അനുമതി നൽകിയത്​.

കേരളത്തി​​​െൻറ 10ാമത് അന്തര്‍ദേശീയ ഡോക്യുമ​​െൻററി, ഹ്രസ്വചിത്ര മേളയില്‍ പ്രദര്‍ശനാനുമതി നിഷേധിച്ചതിനെതിരെ മൂന്ന്​ ഡോക്യുമ​​െൻററിയുടെയും സംവിധായകർ നൽകിയ ഹരജികളിലാണ്​ വിധി. മന്ത്രാലയം അധികൃതർ ഡോക്യുമ​​െൻററി കണ്ടിട്ടില്ലെന്നും ഉള്ളടക്കം സംബന്ധിച്ച ചെറുകുറിപ്പ് മാത്രം കണ്ടാണ്​ വിലക്കിയതെന്നും ചൂണ്ടിക്കാട്ടിയായിരുന്നു ഹരജി. 

രാഷ്​ട്രീയ കാഴ്​ചപ്പാടുകൾ ചലച്ചിത്രങ്ങളിലൂടെയും മറ്റും വെളിപ്പെടുത്താനുള്ള അവകാശം തടസ്സപ്പെടുത്തുന്നത്​ അന്യായമാണെന്ന്​ കോടതി നിരീക്ഷിച്ചു. നിരുപദ്രവകരമായ ആവിഷ്​കാര സ്വാതന്ത്ര്യം തടയാൻ അധികൃതർക്ക്​ അധികാരമില്ലെന്നും കോടതി വ്യക്​തമാക്കി.