കമലിനെ തെരുവില്‍ നേരിടുമെന്ന് യുവമോര്‍ച്ച

തിരുവനന്തപുരം: ജയന്‍ ചെറിയാന്‍െറ ‘കാ ബോഡിസ്കേപ്സിന്’ മേളയില്‍ പ്രദര്‍ശനാനുമതി നല്‍കിയതില്‍ പ്രതിഷേധിച്ച് യുവമോര്‍ച്ച കലാഭവനിലേക്ക് മാര്‍ച്ച് നടത്തി. ദേശീയഗാനത്തെ അപമാനിക്കുന്ന രീതിയില്‍ ഇനിയും പ്രസ്താവനനടത്തിയാല്‍ ചലച്ചിത്ര അക്കാദമി ചെയര്‍മാന്‍ കമലിനെ തെരുവില്‍ നേരിടുമെന്ന് മാര്‍ച്ച് ഉദ്ഘാടനം ചെയ്ത യുവമോര്‍ച്ച സംസ്ഥാന ജനറല്‍ സെക്രട്ടറി അഡ്വ.ആര്‍.എസ്. രാജീവ് പറഞ്ഞു.

 

ഹിന്ദുദൈവത്തെ അശ്ളീലമായ രീതിയില്‍ ചിത്രീകരിച്ചതിനാല്‍ സെന്‍സര്‍ബോര്‍ഡ് പ്രദര്‍ശനാനുമതി നിഷേധിച്ച ‘കാ ബോഡിസ്കേപ്സ്’ ചിത്രത്തിന്, കോടതി പ്രദര്‍ശനാനുമതി നല്‍കിയെന്ന കാരണം പറഞ്ഞ് മേളയില്‍ പ്രദര്‍ശിപ്പിച്ചു. കമല്‍ ചെയര്‍മാന്‍ സ്ഥാനത്തിരിക്കാന്‍ യോഗ്യനല്ളെന്നും യുവമോര്‍ച്ച ആരോപിച്ചു. പ്രവര്‍ത്തകര്‍ കമലിന്‍െറ കോലം കത്തിച്ചു