സിനിമ,സീരിയൽ നടൻ ഗീഥാ സലാം അന്തരിച്ചു

കൊല്ലം: സിനിമ-നാടക-സീരിയൽ നടൻ ഓച്ചിറ ഗീഥ സലാം (73)അന്തരിച്ചു. ആലപ്പുഴ മെഡിക്കൽ കോളജ് ആശുപത്രിയിൽ ബുധനാഴ്ച്ച വൈകുന്നേരം 4.30നായിരുന്നു അന്ത്യം. ശ്വാസകോശ സംബന്ധമായ രോഗത്തെ തുടർന്ന് ചികിൽസയിലായിരുന്നു.

32 വ​ർ​ഷം നാ​ട​ക​രം​ഗ​ത്തു സ​ജീ​വ​മാ​യി​രു​ന്നു. 82ാളം സിനിമകളിൽ അഭിനയിച്ചിട്ടുണ്ട്. 1980-ൽ ​ഇ​റ​ങ്ങി​യ മാ​ണി കോ​യ കു​റു​പ്പ് എ​ന്ന ചി​ത്ര​ത്തി​ലാ​ണ് സ​ലാം ആ​ദ്യം അ​ഭി​ന​യി​ക്കു​ന്ന​ത്. ഈ പറക്കും തളിക, മേഘസന്ദേശം, കുബേരന്‍, സാവിത്രിയുടെ അരഞ്ഞാണം, മീരയുടെ ദുഃഖവും മുത്തുവിന്റെ സ്വപ്നവും, ഗ്രാമഫോണ്‍, സദാനന്ദന്റെ സമയം, കൊച്ചി രാജാവ്, റോമന്‍സ്, വെളളിമൂങ്ങ, തിങ്കള്‍ മുതല്‍ വെളളി വരെ എന്നീ ചിത്രങ്ങളിലും അദ്ദേഹം അഭിനയിച്ചു.

ഏ​ഴി​ലം പാ​ല, താ​ലി, അ​മ്മ​ക്കി​ളി, അ​മ്മ​ത്തൊ​ട്ടി​ൽ, ജ്വാ​ല​യാ​യ് തു​ട​ങ്ങി ഒ​ട്ടേ​റെ സീ​രി​യ​ലു​ക​ളു​ടെ​യും ഭാ​ഗ​മാ​യി. ച​ങ്ങ​നാ​ശേ​രി ഗീ​ഥ എ​ന്ന നാ​ട​ക സ​മി​തി​യി​ൽ അ​ഞ്ച് വ​ർ​ഷം സ്ഥി​ര​മാ​യി നാ​ട​കം ക​ളി​ച്ച​തി​നെ തു​ട​ർ​ന്നാ​ണ് പേ​രി​നൊ​പ്പം ഗീ​ഥ ചേ​ർ​ക്ക​പ്പെ​ടു​ന്ന​ത്