ചലച്ചിത്ര പുരസ്​കാര ചടങ്ങ്: സി.എസ്. വെങ്കിടേശ്വരൻ രാജിവെച്ചു

തിരുവനന്തപുരം: സംസ്ഥാന ചലച്ചിത്ര പുരസ്​കാര വി​ത​ര​ണ ചടങ്ങിൽ ചലച്ചിത്ര താരത്തെ മുഖ്യാതിഥിയായി ക്ഷണിച്ചതിൽ പ്രതിഷേധം തുടരുന്നു. ചലച്ചിത്ര അക്കാദമിയിൽ നിന്നും ജനറൽ കൗൺസിലിൽ നിന്നും പ്രശസ്ത എഴുത്തുകാരനും സിനിമ നിരൂപകനുമായ സി.എസ്. വെങ്കിടേശ്വരൻ രാജിവെച്ചു. 

സം​സ്ഥാ​ന ച​ല​ച്ചി​ത്ര പു​ര​സ്‌​കാ​ര വി​ത​ര​ണ ച​ട​ങ്ങി​ലേക്ക് ചലച്ചിത്ര താരത്തെ മുഖ്യാതിഥിയായി ക്ഷണിക്കരുതെന്ന് ചൂണ്ടിക്കാട്ടി ച​ല​ച്ചി​ത്ര പ്ര​വ​ർ​ത്ത​ക​ർ മു​ഖ്യ​മ​ന്ത്രി​ക്കും സാം​സ്കാ​രി​ക ​മ​ന്ത്രി​ക്കും നേരത്തെ നി​വേ​ദ​നം ന​ൽ​കിയിരുന്നു. ച​ല​ച്ചി​ത്ര​അ​ക്കാ​ദ​മി വൈ​സ് ചെ​യ​ർ​പേ​ഴ്സ​ൺ ബീ​നാ​പോ​ൾ അ​ട​ക്കം ജ​ന​റ​ൽ കൗ​ൺ​സി​ൽ അം​ഗ​ങ്ങ​ളും ഡ​ബ്ല്യു.​സി.​സി അം​ഗ​ങ്ങ​ളും മാ​ധ്യ​മ​പ്ര​വ​ര്‍ത്ത​ക​രും എ​ഴു​ത്തു​കാ​രും അ​ട​ക്കം 107 പേ​രാ​ണ്​ ഒ​പ്പി​ട്ട​ത്. ഇവരോടൊപ്പം നി​വേ​ദ​നത്തിൽ സി.എസ്. വെങ്കിടേശ്വരനും ഒപ്പുവെച്ചിരുന്നു.

ദേ​ശീ​യ പു​ര​സ്‌​കാ​രം രാ​ഷ്​​ട്ര​പ​തി ന​ല്‍കു​ന്ന മാ​തൃ​ക​യി​ല്‍ സം​സ്ഥാ​നം ഔ​ദ്യോ​ഗി​ക​മാ​യി ന​ല്‍കു​ന്ന ച​ട​ങ്ങാ​ണ് കേ​ര​ള​ത്തി​ലും വേ​ണ്ട​തെ​ന്ന്​ നി​വേ​ദ​ന​ത്തി​ൽ ആവശ്യപ്പെട്ടത്. മു​ഖ്യ​മ​ന്ത്രി​യാ​ണ് പു​ര​സ്‌​കാ​രം ന​ല്‍കേ​ണ്ട​ത്. മു​ഖ്യാ​തി​ഥി​യെ ക്ഷ​ണി​ക്കു​ന്ന​ത്​ ജേ​താ​ക്ക​ളെ അ​പ​മാ​നി​ക്കു​ന്ന​തി​ന് തു​ല്യ​മാ​ണ്. ഈ ചടങ്ങില്‍ മുഖ്യ മന്ത്രിയെയും അവാര്‍ഡ് ജേതാക്കളെയും മറികടന്ന് ഒരു മുഖ്യാതിഥിയെ ക്ഷണിച്ചു കൊണ്ടു വരുന്നത് തീര്‍ത്തും അനൗചിത്യം മാത്രമല്ല പുരസ്‌കാര ജേതാക്കളുടെ നേട്ടത്തെ കുറച്ചു കാട്ടുക കൂടിയാണെന്നും പ്രതിഷേധക്കാർ ചൂണ്ടിക്കാട്ടുന്നു. 

എന്നാൽ, പ്രതിഷേധക്കാരെ പിന്തള്ളി നടൻ മോഹൻ ലാലിനെ പു​ര​സ്‌​കാ​ര വി​ത​ര​ണ ച​ട​ങ്ങി​ലെ മുഖ്യാഥിതിയായി ക്ഷണിക്കാൻ സംസ്ഥാന സർക്കാർ തീരുമാനിച്ചിരുന്നു.