ദിലീപിനെ പുറത്താക്കില്ല -ഫിയോക്

കൊച്ചി: ദീലീപിനെ പുറത്താക്കില്ലെന്ന് തിയറ്റർ ഉടമകളുടെ സംഘടനയായ ഫിയോക്. സിനിമാ മേഖലയെയാണ് ഇപ്പോൾ നടക്കുന്ന വിവാദങ്ങളിൽ പ്രതിസന്ധിയിലാക്കുന്നത്. ഇത് തുടരുന്നത് എല്ലാവരും സ്വന്തം ചോറില്‍ മണ്ണ് വാരിയിടുന്നത് പോലെയാണെന്നും ഫിയോക് ജനറല്‍ സെക്രട്ടറി എം.സി. ബോബി അറിയിച്ചു. 

 മുന്‍വിധികളുടെ അടിസ്ഥാനത്തില്‍ ദിലീപ് കുറ്റക്കാരനാണെന്ന് പറഞ്ഞു നടക്കേണ്ട കാര്യമില്ല. ദിലീപ് കുറ്റക്കാരനാണെന്ന് തെളിഞ്ഞാല്‍ അപ്പോള്‍ നടപടി സ്വീകരിക്കാമെന്നും അദ്ദേഹം പറഞ്ഞു.