ഹിന്ദു സംഘടനകൾക്കെതിരെ കമലഹാസൻ

ചെന്നൈ: കമലഹാസ​നെ അറസ്​റ്റ്​ ചെയ്യണമെന്നും അദ്ദേഹത്തി​​​​െൻറ  ബിഗ്​ബോസ്​ എന്ന തമിഴ്​ റിയാലിറ്റി ഷോ നിരോധിക്കണമെന്നും ഹിന്ദു സംഘടനകൾ. ഷോയിൽ അശ്ലീലമു​െണ്ടന്ന്​ ആരോപിച്ചാണ്​  ഹിന്ദു സംഘടനകൾ കമലഹാസനെതിരെ രംഗത്തെത്തിയിരിക്കുന്നത്​. എന്നാൽ വിമർശകർക്കെതിരെ ശക്​തമായ പ്രതികരണവുമായി കമലഹാസൻ രംഗത്തെത്തി. വിമർശിക്കുന്നവർ അറസ്​റ്റ്​ ആവശ്യപ്പെടാൻ വളരെ വൈകിയെന്നും ത​ാൻ മുമ്പ്​ അഭിനയിച്ച ധാരാളം സിനിമകളിൽ അടുത്തിടപഴകുന്ന ദൃശ്യങ്ങളുണ്ടെന്നും കമലഹാസൻ പറഞ്ഞു. 

ദശാബ്​ദങ്ങളായി താൻ അഭിനയിച്ച പല ചിത്രങ്ങളിലും  ചുംബന ദൃശ്യങ്ങളുണ്ട്​. ഇത്ര വൈകിയാണോ അവർ ത​​​​െൻറ അറസ്​റ്റ്​ ആവശ്യപ്പെടുന്നതെന്ന്​ കമലഹാസൻ ചോദിച്ചു. 

റിയാലിറ്റി ഷോ തമിഴ്​ സംസ്​കാരത്തെ നശിപ്പിക്കുമെന്ന വിമർശകരുടെ വാദത്തെ അദ്ദേഹം പുച്ഛിച്ചു തള്ളി. ത​​​​െൻറ സിനിമകളി​െല പ്രണയ സീനുകൾ ഏൽപ്പിക്കാത്ത മുറിവുകളൊന്നും റിയാലിറ്റി ഷോ തമിഴ്​ സംസ്​കാരത്തിന്​ ഏൽപ്പിക്കില്ലെന്നും അദ്ദേഹം പറഞ്ഞു. 

ഇത്തരം ആരോപണങ്ങൾ ഉന്നയിച്ചാൽ താൻ മാപ്പു പറയില്ലെന്നും തെറ്റ്​ ചെയ്​തെന്ന്​ തനിക്ക്​​ ബോധ്യപ്പെട്ടാൽ മാത്രമേ മാപ്പു പറയൂവെന്നും പറഞ്ഞ കമലഹാസൻ അവർക്ക്​ പറ്റുമെങ്കിൽ തന്നെ അറസ്റ്റ്​ ചെയ്യിക്ക​േട്ട എന്നും പറഞ്ഞു. നിയമ സംവിധാനത്തിൽ താൻ വിശ്വസിക്കുന്നുണ്ട്​. നിയമം തന്നെ രക്ഷിക്കുമെന്നും അദ്ദേഹം കൂട്ടിച്ചേർത്തു.