രാമായണം സീരിയൽ ലോകറെക്കോഡിട്ടതായി ദൂരദർശൻ

ന്യൂഡൽഹി: ലോക്​ഡൗൺ കാലത്ത്​ 33 വർഷങ്ങൾക്ക്​ ശേഷം ഇന്ത്യൻ ടെലിവിഷൻ സ്​ക്രീനുകളിലേക്ക്​ മടങ്ങിയെത്തിയ ‘രാമായണം’ സീരിയൽ പുതിയ ​ലോക റെക്കോഡിട്ടതായി ദൂരദർശൻ. രാമാനന്ദ്​ സാഗർ സംവിധാനം ചെയ്​ത സീരിയൽ ഏറ്റവും കൂടുതൽ പേർ കണ്ട വിനോദ പരിപാടിയെന്ന റെക്കോഡ്​ നേടിയതായി ഡി.ഡി ട്വീറ്റ്​ ചെയ്​തു. 

ട്വീറ്റ്​ പ്രകാരം ഏപ്രിൽ 16ാം തിയതി 7.7 കോടി ആളുകളാണ്​ സീരിയൽ കണ്ടത്​. ലോക്​ഡൗണിൻെറ പശ്ചാത്തലത്തിൽ മാർച്ചിലാണ്​ ദിവസം രണ്ട്​ നേരങ്ങളിലായി സീരിയൽ ഡി.ഡി നാഷനൽ ചാനലിൽ പുനഃസംപ്രേഷണം ചെയത്​ തുടങ്ങിയത്​. 

Rebroadcast of #Ramayana on #Doordarshan smashes viewership records worldwide, the show becomes most watched entertainment show in the world with 7.7 crore viewers on 16th of April pic.twitter.com/edmfMGMDj9

— DD India (@DDIndialive) April 30, 2020

1987ൽ ആദ്യമായി ദൂരദർശനിൽ സംപ്രേഷണം ചെയ്​ത സീരിയലിൽ അരുൺ ഗോവിൽ, ദിപിക ചികില ടോപിവാല, സുനിൽ ലാഹിരി എന്നിവരാണ്​ പ്രധാന അഭിനേതാക്കൾ.