നടിയെ ആക്രമിച്ച സംഭവം: സിനിമാ രംഗത്തുള്ളവരെയും ചോദ്യം ചെയ്യും

കൊച്ചി: നടിയെ ആക്രമിച്ച സംഭവത്തിൽ സനിമാ രംഗത്തുള്ളവരെയും ചോദ്യം ചെയ്യാൻ തീരുമാനം. കേസിലെ മുഖ്യപ്രതിയായ പൾസർ സുനിയുടെ ഫോൺകോൾ ലിസ്റ്റ് പരിശോധിച്ച ശേഷമാണ് പൊലീസ് ഈ തീരുമാനമെടുത്തത്. സംഭവദിവസം സുനിക്ക് വന്ന സംശയാസ്പദമായ ചില കോളുകളിൽ സിനിമാരംഗത്തെ ചിലരുമുണ്ടെന്ന് പൊലീസ് കരുതുന്നു.

അതേസമയം, പൾസർ സുനിയുടെ മൊബൈൽ ഫോൺ വിട്ടുതരണമെന്നാവശ്യപ്പെട്ട് പൊലീസ് കോടതിയിൽ അപേക്ഷ നൽകും. ഇന്നലെ സുനിയുടേയും കൂട്ടാളികളുടേയും ജാമ്യാപേക്ഷക്കൊപ്പം മൊബൈൽ ഫോണും ഇവരുടെ അഭിഭാഷകൻ കോടതിയിൽ സമർപ്പിച്ചിരുന്നു.