നടിയെ ആക്രമിച്ച കേസ്​: കുഞ്ചാക്കോ ബോബനെയും ​ബിന്ദു പണിക്കരെയും വിസ്​തരിച്ചു

കൊച്ചി: യുവനടിയെ തട്ടിക്കൊണ്ടുപോയി ആക്രമിച്ച്​ അപകീർത്തികരമായ ദൃശ്യങ്ങൾ പകർത്തിയ കേസിൽ നടി ബിന്ദു പണിക്ക ർ, നടൻ കുഞ്ചാക്കോ ബോബൻ എന്നിവരെ എറണാകുളം അഡീഷനൽ സെഷൻസ്​ കോടതി മുമ്പാകെ വിസ്​തരിച്ചു. നേരത്തേ പൊലീസിന്​ നൽകിയ മൊഴിയിൽ നിന്ന്​ വിരുദ്ധമായ മൊഴി നൽകിയതോടെ ബിന്ദു പണിക്കരെ പ്രോസിക്യൂഷൻ ക്രോസ്​ വിസ്​താരം നടത്തിയതായാണ്​ വിവരം.

അതേസമയം, കുഞ്ചാക്കോ ബോബൻ ത​​െൻറ മൊഴിയിൽ ഉറച്ചു നിന്നതായാണ്​ സൂചന. ബിന്ദു പണിക്കരെ രാവിലെയും കുഞ്ചാക്കോ ബോബനെ ഉച്ചക്ക്​ ശേഷവുമാണ്​ വിസ്​തരിച്ചത്​. കുഞ്ചാക്കോ ബോബനെതിരെ അറസ്​റ്റ്​ വാറൻറ്​​ പുറപ്പെടുവിച്ചിരുന്നെങ്കിലും നേരിട്ട്​ ഹാജരായതിനാൽ പ്രോസിക്യൂഷൻ വാറൻറ്​​ കോടതിയിൽ മടക്കി നൽകി.

നടി രമ്യാ നമ്പീശ​​െൻറ സഹോദരൻ രാഹുൽ നമ്പീശൻ, ഡ്രൈവർ സതീശ് എന്നിവരെ ചൊവ്വാഴ്​ച വിസ്തരിക്കും. രമ്യാ നമ്പീശനെ 11 നും നടനും സംവിധായകനുമായ ലാലിനെ 13നും പ്രതിഭാഗം വിസ്തരിക്കും. ഇരുവരുടെയും പ്രോസിക്യൂഷൻ വിസ്​താരം നേരത്തേ പൂർത്തിയായിരുന്നു.

13ന്​ തന്നെ നടി ഭാമയെ പ്രോസിക്യൂഷൻ വിസ്​തരിക്കും. തുടർന്ന് ഈ മാസം 25 നാവും സാക്ഷിവിസ്താരം നടക്കുക. ജനുവരി 30ന്​ തുടങ്ങിയ വിചാരണയിൽ ഇതുവരെ 36 സാക്ഷികളെ വിസ്​തരിച്ചു.