നടിയെ ആക്രമിച്ച കേസ്​: ദിലീപിന്​ ജാമ്യവ്യവസ്​ഥയിൽ ഇളവ്​

കൊച്ചി: യുവനടിയെ ​തട്ടിക്കൊണ്ടുപോയി ആക്രമിച്ച കേസിൽ നടൻ ദിലീപിന്​ വിദേശത്ത്​ പോകാനുള്ള അനുമതി ഏഴുദിവസംകൂടി ​നീട്ടി നൽകി. നേരത്തേയുള്ള അനുമതിപ്രകാരം മേയ്​ ഏഴിന്​ പാസ്​പോർട്ട്​ കോടതിയിൽ തിരികെ സമർപ്പിക്കണമായിരുന്നു. എന്നാൽ, ഇത്​ നീട്ടി നൽകണമെന്ന ദിലീപി​​െൻറ അപേക്ഷ പരിഗണിച്ചാണ്​ എറണാകുളം അഡീഷനൽ സെഷൻസ്​ കോടതി അനുമതി ഇൗമാസം 13 വരെ നീട്ടി നൽകിയത്​.

പുതിയ ചിത്രം ‘കമ്മാര സംഭവ’ത്തി​​െൻറ പ്രചാരണാർഥം ദുബൈയിൽ താമസിക്കാനാണ്​ അനുമതി. നേരത്തേ ഹൈകോടതി ജാമ്യം അനുവദിച്ചപ്പോൾ പാസ്​പോർട്ട്​ കോടതിയിൽ സമർപ്പിക്കണമെന്ന്​ നിർദേശമുണ്ടായിരുന്നു. തുടർന്നാണ്​ വിദേശയാത്രക്ക്​ അനുമതി തേടി പാസ്​പോർട്ട്​ വിട്ടുകിട്ടാൻ ദിലീപ്​ കോടതിയിൽ അപേക്ഷ സമർപ്പിച്ചത്​. നടിയെ തട്ടിക്കൊണ്ടുപോയി അപകീർത്തികരമായ ചിത്രങ്ങൾ പകർത്താൻ ക്വട്ടേഷൻ നൽകിയെന്ന കേസാണ്​ ദിലീപിനെതിരെ നിലനിൽക്കുന്നത്.