പ്രതാപ്‌ പോത്തന്‍ ആശുപത്രിയിൽ

ചെന്നൈ: നടനും സംവിധായകനുമായ പ്രതാപ് പോത്തനെ നെഞ്ചുവേദനയെത്തുടര്‍ന്ന് ആശുപത്രിയില്‍ പ്രവേശിപ്പിച്ചു. ഗോവയില്‍ ശ്യാമപ്രസാദി​​െൻറ നിവിൻ പോളി ചിത്രം ‘ഏയ് ജൂഡി’​െൻറ ചിത്രീകരണത്തിനിടെയാണ്​ വിദഗ്​ധ ചികിത്സക്ക്​ ചെന്നൈയിൽ എത്തിച്ചത്​. ചെന്നൈ വടപളനിയിലെ എസ്.ആർ.എം ഇൻസ്​റ്റിറ്റ്യൂട്ട് ഫോര്‍ മെഡിക്കല്‍ സയന്‍സസിൽ (സിംസ്) തീവ്രപരിചരണ വിഭാഗത്തിലാണ്​ അദ്ദേഹം.

കരൾ വീക്കമുള്ളതായും സൂചനയുണ്ട്​. ആരോഗ്യനിലയില്‍ പുരോഗതിയുണ്ടെന്നും രണ്ടു ദിവസത്തിനകം വാര്‍ഡിലേക്കു മാറ്റുമെന്നും ആശുപത്രി വൃത്തങ്ങള്‍ അറിയിച്ചു. 65കാരനായ പ്രതാപ് പോത്തന്‍ തിരുവനന്തപുരം സ്വദേശിയാണ്.