മ​ഹാ​ഭാ​ര​ത​ത്തെ​ക്കു​റി​ച്ച  പ​രാ​മ​ർ​ശം: ക​മ​ൽഹാസൻ മാ​പ്പു​ പ​റ​യ​ണ​മെ​ന്ന്​

ബംഗളൂരു: ഇതിഹാസകാവ്യമായ മഹാഭാരതത്തെ സംബന്ധിച്ച പരാമർശത്തിൽ നടൻ കമൽഹാസൻ ക്ഷമാപണം നടത്തണമെന്ന് കർണാടക ബസവേശ്വര മഠത്തിെല പ്രണവാനന്ദ സ്വാമി ആവശ്യപ്പെട്ടു. കമൽഹാസൻ ഏതെങ്കിലും മതവിഭാഗത്തിെൻറ വികാരത്തെ വ്രണപ്പെടുത്തുന്ന തരത്തിൽ പെരുമാറുന്നത് അനുചിതമാണ്. അദ്ദേഹം എപ്പോഴും വിവാദങ്ങൾ സൃഷ്ടിക്കുന്നു. ക്ഷമാപണം നടത്തിയേ തീരൂവെന്നും സ്വാമി പറഞ്ഞു. ഒരു തമിഴ് ചാനലിന് നൽകിയ അഭിമുഖത്തിൽ സ്ത്രീകൾക്കെതിരായ ആക്രമണങ്ങളെക്കുറിച്ച് ചോദിച്ചപ്പോഴാണ് സ്ത്രീകളെ ചൂതാട്ടവസ്തുവരെയാക്കുന്ന കഥകൾ പറയുന്ന മഹാഭാരതമുൾപ്പെടെയുള്ള പുസ്തകങ്ങളാണ് ഇൗ രാജ്യത്ത് ആളുകൾ വായിക്കുന്നതെന്ന് കമൽ പ്രതികരിച്ചത്.