​സംഘ്​പരിവാറിൽ നിന്ന്​ കൂടുതൽ വിപത്ത്​ വരാനിരിക്കുന്നു -കമൽ ഹാസൻ

ചെന്നൈ: ഇന്ത്യയിൽ സംഘ്​പരിവാർ വർഗീയ ധ്രുവീകരണം ശക്തിപ്പെടുത്തുകയാണെന്നും കഴിഞ്ഞ നൂറു വർഷത്തോളമായി നടത്തുന്ന പ്രയത്നങ്ങളുടെ ഫലമാണ് ഇപ്പോൾ അവർ കൊയ്യുന്നതെന്നും പ്രശസ്​ത സിനിമതാരം കമൽ ഹാസൻ. സംഘ്​പരിവാറിൽനിന്നു ഇതിലും വലിയ വിപത്തുകൾ വരാനിരിക്കുന്നേയുള്ളൂ എന്നും അത്​ ഇന്നത്തേക്കാളുമൊക്കെ ഭീകരവും  ഭയാനകവുമായിരിക്കുമെന്നും അദ്ദേഹം മുന്നറിയിപ്പ്​ നൽകി. ​

ദേശീയ മനുഷ്യാവകാശ കമീഷന്​ ഡി.വൈ.എഫ്​.​െഎ സമർപ്പിക്കുന്ന നിവേദനത്തി​​െൻറ കോപ്പി പ്രശസ്​ത നടൻ കമൽ ഹാസൻ പ്രകാശനം ചെയ്യുന്നു. പ്രസിഡൻറ്​ പി.എ മുഹമ്മദ്​ റിയാസ്​, തമിഴ്​നാട്​ സെക്രട്ടറി ബാലവേലൻ എന്നിവർ സമീപം.

 

പ്രധാനമന്ത്രി നരേന്ദ്ര മോദിയുടെ മൂന്നു ദിവസം നീണ്ട ഇസ്രായേൽ സന്ദർശനത്തിൽ പിഞ്ചു കുഞ്ഞുങ്ങളുൾപ്പെടെയുള്ള ഫലസ്തീൻ ജനത അനുഭവിക്കുന്ന യാതനകളെക്കുറിച്ച് ഒരക്ഷരം പോലും ശബ്​ദിക്കാതിരുന്നത് ദൗർഭാഗ്യകരമായി. ഒന്നുമറിയാത്ത പിഞ്ചു കുട്ടികളെ കൊലപ്പെടുത്തുന്ന മനുഷ്യത്വ രഹിതമായ നിലപാടിനെതിരെ മോദിക്ക് മിണ്ടാനായില്ല. ഗുജറാത്തിലെ കുഞ്ഞുങ്ങളെപ്പോലെ തന്നെയാണ് ഫലസ്തീനിലേയും കുഞ്ഞുങ്ങൾ. ഇന്ത്യയുടെ പരമ്പരാഗത വിദേശനയം മോദി കൈയൊഴിഞ്ഞപ്പോൾ ഫലസ്തീനെ ഇന്ത്യ കൈവിട്ടുവെന്നു കമൽ ഹാസൻ കുറ്റപ്പെടുത്തി.  

സംഘ്​പരിവാറി​​െൻറ ഒത്താശയോടെ നടക്കുന്ന തല്ലിക്കൊലകൾക്കെതിരെ ദേശീയ മനുഷ്യാവകാശ കമീഷന്​ ഡി.വൈ.എഫ്​.​െഎ സമർപ്പിക്കുന്ന നിവേദനത്തി​​െൻറ കോപ്പി ​ പ്രകാശനം ചെയ്​തു സംസാരിക്കുകയായിരുന്നു കമൽ ഹാസൻ.