പുരസ്​കാര വിവാദം: രാഷ്​ട്രീയ നിറം നൽകുന്നത്​ പാപ്പരത്തം -ഇന്ദ്രൻസ്​

കാസർകോട്​: ദേശീയ അവാർഡ്​ തിരസ്​കാരം സംബന്ധിച്ച വിവാദത്തിന്​ രാഷ്​ട്രീയ നിറം നൽകുന്നത്​ പാപ്പരത്തമാണെന്ന്​ നടൻ ഇന്ദ്രൻസ്​. രാഷ്​ട്രപതിയിൽ നിന്ന്​ അവാർഡ്​ വാങ്ങാനുള്ള കൊതിയാണ്​ പ്രശ്​നത്തിന്​ കാരണം. പണം ചെലവഴിച്ച്​ കുടുംബത്തോടൊപ്പം ഡൽഹിയിൽ എത്തിയപ്പോൾ അവാർഡ്​ നൽകുന്നത്​ രാഷ്​ട്രപതിയല്ല എന്ന്​ അറിഞ്ഞപ്പോഴുണ്ടായ വിഷമമാണ്​ തിരസ്​കാരത്തിന്​ കാരണമെന്നും ഇന്ദ്രൻസ് പറഞ്ഞു. കാസർകോട്​ പ്രസ്​ക്ലബിൽ പരിസ്ഥിതി സിനിമയുടെ നിർമാണ ഫണ്ട്​ ഉദ്​ഘാടനം ചെയ്യുകയായിരുന്നു അദ്ദേഹം.