`എ​െൻറ കണ്ണുകൾക്ക്​ സംരക്ഷണം വേണം സർ`

കൊല്ലം: ‘എ​​െൻറ കണ്ണുകൾക്ക്​ സംരക്ഷണം വേണം സർ’. ചൊവ്വാഴ്​ച രാവിലെ പത്തരയോ​െട ഇങ്ങനെ ഒരുപരാതിയുമായി, സ്വന്തം കണ്ണ്​ മൂടിക്കെട്ടി ഒരാൾ മുമ്പിൽ വന്ന്​ നിന്നപ്പോൾ ചവറ സി.​െഎ ഒാഫിസിലെ പൊലീസുകാർ ഞെട്ടി. വീണ്ടും നോക്കിയപ്പോഴാണ്​, കണ്ണുകെട്ടിയയാൾ സിനിമ, നാടകനടൻ അലൻസിയറാണെന്ന്​ വ്യക്​തമായത്​. ഫാഷിസത്തിനെതിരെ വേറിട്ടരീതിയിൽ പ്രതിഷേധിക്കാറുള്ള നടൻ അലൻസിയറുടെ പുതുമയാർന്ന മറ്റൊരു പ്രതിഷേധത്തിന്​ വേദിയാവുകയായിരുന്നു ചവറ സി.​െഎ സ്​റ്റേഷൻ. കറുത്ത തുണികൊണ്ട്​ കണ്ണ്​ മൂടിക്കെട്ടിയാണ്​ അലൻസിയർ ‘കണ്ണുകൾക്ക്​ സംരക്ഷണം തേടി’ പൊലീസ്​ സ്​റ്റേഷനിൽ എത്തിയത്​.

ബി.ജെ.പിക്കെതിരെ അക്രമം തുടർന്നാൽ  കേരളത്തിലെ സി.പി.എം പ്രവർത്തകരുടെ കണ്ണ് ചൂഴ്ന്നെടുക്കുമെന്ന ബി.ജെ.പി ദേശീയ ജനറൽ സെക്രട്ടറി സരോജ് പാണ്ഡെയുടെ ഭീഷണിക്കെതിരായിട്ടായിരുന്നു ഇത്തവണ പ്രതിഷേധം. ‘രാജ്യത്തി​​െൻറ സ്വത്വത്തെതന്നെ ഇല്ലാതാക്കുന്നവർ ഇന്ന് കണ്ണിനുനേരെ വിരൽ ചൂണ്ടുന്നു. എ​​െൻറ കണ്ണ് ചൂഴ്ന്നെടുത്താൽ അവളാണ്; അവൾ മാത്രമാണ് കാരണക്കാരി’ അലൻസിയർ പറഞ്ഞു.

സമൂഹത്തി​​െൻറ സമാധാനം തകർക്കുന്ന പ്രസ്താവന മനസ്സിനെ വല്ലാതെ അലട്ടി. അതിനാലാണ് എറണാകുളത്തേക്കുള്ള യാത്രാമധ്യേ ഒ.എൻ.വിയുടെ നാട്ടിലിറങ്ങി പരാതി കൊടുക്കാൻ തീരുമാനിച്ചത്​. ജനരക്ഷായാത്ര നടത്തുന്ന നാട്ടിൽ നേത്രസംരക്ഷണയാത്രയാണ് ത​േൻറത്​’ അദ്ദേഹം തുടർന്നു. സി.ഐയുടെ അസാന്നിധ്യത്തിൽ സ്​റ്റേഷ​​െൻറ ചുമതല വഹിച്ച എസ്.ഐക്ക് വാക്കാൽ പരാതി നൽകി മടങ്ങുകയും ചെയ്​തു. കണ്ണിന്​ നേരെയുള്ള ഭീഷണിക്കെതിരെ  വിവിധ സ്​റ്റേഷനുകളിൽ പരാതി നൽകുമെന്നും അദ്ദേഹം പറഞ്ഞു. സംഘ്പരിവാറിനെ എതിർക്കുന്നവർ പാകിസ്​താനിലേക്ക് പോകണമെന്ന പരാമർശത്തിനെതിരെ പാകിസ്​താനിലേക്ക് പോകാൻ യാത്രക്കാരെ തേടി ബസ് സ്​റ്റാൻഡിൽ പ്രതിഷേധം നടത്തിയും അലൻസിയർ ശ്രദ്ധേയനായിരുന്നു.

ദേശീയഗാന വിവാദത്തിൽ സംവിധായകൻ കമലിനെതിരെ സംഘ്​പരിവാർ ശക്​തികൾ രംഗത്തിറങ്ങിയപ്പോഴും വേറിട്ട പ്രതിഷേധരീതിയുമായി അലൻസിയർ രംഗത്തുവന്നിരുന്നു.