ദുരിതാശ്വാസ നിധിയിലേക്ക് സൂര്യയും കാർത്തിയും 25 ലക്ഷം നൽകി

തിരുവനന്തപുരം: തമിഴ് ചലച്ചിത്ര താരങ്ങളായ സൂര്യ, കാർത്തി എന്നിവർ ചേർന്ന് 25 ലക്ഷം രൂപയും അഭിനേതാക്കളുടെ സംഘടനയായ നടികർ സംഘം 5 ലക്ഷം രൂപയും മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകി. ഈ തുകക്കുള്ള ചെക്ക് നടൻ കാർത്തിയാണ് മുഖ്യമന്ത്രി പിണറായി വിജയന് കൈമാറിയത്. 

കഴിഞ്ഞദിവസം മോഹൻലാൽ 25 ലക്ഷവും മമ്മൂട്ടിയും ദുൽഖർ സൽമാനും ചേർന്ന് 25 ലക്ഷവും ദുരിതാശ്വാസ നിധിയിലേക്ക് സംഭാവന നൽകിയിരുന്നു.