ഹോളിവുഡ് നടൻ അബെ വിഗോഡ അന്തരിച്ചു

ന്യൂയോർക്ക്: ഗോഡ്ഫാദർ സിനിമയിലൂടെയും ബേർണെ മില്ലർ ടെലിവിഷൻ പരമ്പരയിലൂടെയും പ്രശസ്തനായ ഹോളിവുഡ് നടൻ അബെ വിഗോഡ (94) അന്തരിച്ചു. അബെയുടെ മകൾ കരോൾ വിഗോഡയാണ് മരണവിവരം മാധ്യമങ്ങളെ അറിയിച്ചത്.

ഗോഡ്ഫാദറിലെ സാൽ ടെസിയോ എന്ന കഥാപാത്രമാണ് അദ്ദേഹത്തെ പ്രശസ്തനാക്കിയത്.  ബെര്‍ണീ മില്ലര്‍ എന്ന ടെലിവിഷന്‍ പരമ്പരയിലെ ഫില്‍ ഫിഷ് എന്ന ഡിക്റ്റീവ് വേഷവും പ്രേക്ഷക ശ്രദ്ധ നേടിയിരുന്നു.

ദി ഡോണ്‍ ഈസ് ഡെഡ്, ഹാവിങ് ബേബീസ്, നോര്‍ത്ത്, ലവ് ഈസ് ഓള്‍ ദെയര്‍ ഈസ്, ഗോള്‍ഡ് ബര്‍ഗര്‍ എന്നിവ അദ്ദേഹത്തിന്‍റെ ശ്രദ്ധയമായ ചിത്രങ്ങളാണ്.