മുന്നോട്ട് പോകുക തന്നെ; യാത്രയുടെ മലയാളം ട്രെയിലർ

22:26 PM
04/02/2019
yatra-movie

ആന്ധ്രയിലെ ജനകീയ മുഖ്യമന്ത്രിയായിരുന്ന വൈ.എസ്​ രാജശേഖര​ റെഡ്ഡിയായി മെഗാസ്റ്റാർ മമ്മൂട്ടി അഭിനയിക്കുന്ന ‘യാത്ര’യുടെ മലയാളം ട്രെയിലർ പുറത്തിറങ്ങി. മഹി വി. രാഘവ്​ സംവിധാനം ചെയ്യുന്ന ചിത്രം വൈ.എസ്​.ആറി​​​​​​​​​​​​​െൻറ പദയാത്രയാണ്​ പശ്ചാത്തലമാക്കിയിരിക്കുന്നത്​. 

സുഹാസിനി മണിരത്നവും ചിത്രത്തിൽ പ്രധാന വേഷത്തിലെത്തുന്നുണ്ട്. ശശി റെഡ്ഡി, വിജയ്​ ചില്ല എന്നിവർ ചേർന്ന്​ നിർമിക്കുന്ന ബിഗ്​ ബജറ്റ്​ ചിത്രത്തിൽ തമിഴ്​ നടൻ സൂര്യ അടക്കം അണി നിരക്കുമെന്നാണ് റിപ്പോർട്ട്. രണ്ട് പതിറ്റാണ്ടിന്‍റെ ഇടവേളക്ക് ശേഷം മമ്മൂട്ടി അഭിനയിക്കുന്ന തെലുങ്കു ചിത്രമെന്ന പ്രത്യേകതയും യാത്രക്കുണ്ട്.

ആന്ധ്രാപ്രദേശിന്‍റെ​ രാഷ്​ട്രീയ ചരിത്രത്തിൽ ഒഴിച്ചു കൂടാനാവാത്ത ഒരേടായിരുന്നു വൈ.എസ്​ രാജശേഖര റെഡ്ഡിയുടേത്​. 1999 മുതല്‍ 2004 വരെയുള്ള വൈ.എസ്​.ആറിന്‍റെ രാഷ്ട്രീയ ജീവിതമാണ് യാത്ര എന്ന സിനിമയുടെ പ്രമേയം. 

ആന്ധ്രക്കാർ സ്​നേഹത്തോടെ വൈ.എസ്.ആർ​ എന്നു വിളിക്കുന്ന രാജശേഖര റെഡ്ഡി നടത്തിയ പദയാത്രയാണ് 2004ല്‍ കോണ്‍ഗ്രസിനെ സംസ്ഥാനത്ത് അധികാരത്തിലേറ്റിയത്.

Loading...
COMMENTS