ലൈംഗികാതിക്രമം: പ്രത്യേക സമിതി വേണമെന്ന ഹരജി 18ലേക്ക്​ മാറ്റി

കൊച്ചി: സിനിമ മേഖലയിലെ ലൈംഗികാതിക്രമ പരാതികൾ പരിഗണിക്കാൻ പ്രത്യേക സമിതി രൂപവത്​കരിക്കണമെന്ന ഹരജികൾ ഹൈകോടതി നവംബർ 18ന്​ പരിഗണിക്കാൻ മാറ്റി. ചലച്ചിത്ര മേഖലയിലെ അമ്മ, ഫെഫ്‌ക തുടങ്ങിയ സംഘടനകൾ സമിതിക്ക്​ നടപടി സ്വീകരിക്കണമെന്നാവശ്യപ്പെട്ട്​ വനിത ചലച്ചിത്ര പ്രവർത്തകരുടെ കൂട്ടായ്മയായ ഡബ്ല്യു.സി.സിയാണ്​ ഹരജി നൽകിയത്​.

തൊഴിലിടങ്ങളിലെ ലൈംഗികാതിക്രമം തടയാനുള്ള നിയമം ഫലപ്രദമായി നടപ്പാക്കുന്നുണ്ടോയെന്നറിയാൻ ഒാഡിറ്റിങ്​ നടത്താൻ ഉത്തരവിടണമെന്നാവശ്യപ്പെട്ട് സ​െൻറർ ഫോർ കോൺസ്​റ്റിറ്റ്യൂഷനൽ റൈറ്റ്സ് റിസർച് ആൻഡ് അഡ്വക്കസി എന്ന സംഘടന നൽകിയ ഹരജിയും ഇതോടൊപ്പം പരിഗണിക്കും.

നിയമം നിലവിലുണ്ടെങ്കിലും ഫലപ്രദമായി നടപ്പാക്കുന്നില്ലെന്നാണ് ഹരജിക്കാരുടെ ആക്ഷേപം. ഇത്തരം സംഭവങ്ങൾ ഉണ്ടാകു​​േമ്പാൾ പരാതിപ്പെടാൻ​ വേദിയില്ലാതെ പലരും നിസ്സഹായരാവു​കയാണ്​. രാഷ്​ട്രീയ കക്ഷികളുടെ ഒാഫിസുകളിലും മാധ്യമ, കലാരംഗത്തെ സ്​ഥാപനങ്ങളിലും ഇത്തരം സംവിധാനം ഒരുക്കാൻ നിർദേശിക്കണമെന്നും ഹരജിയിൽ ആവശ്യപ്പെട്ടിട്ടുണ്ട്​.