ദിലീപിനെതിരെ നടിമാരുടെ കത്ത്​; നടപടി ജനറൽ ബോഡിയിലെന്ന്​ മോഹൻലാൽ

കൊ​ച്ചി: ദി​ലീ​പി​നെ തി​രി​ച്ചെ​ടു​ത്ത വി​ഷ​യ​ത്തി​ല​ട​ക്കം തീ​രു​മാ​നം ഉ​ട​ൻ അ​റി​യി​ക്ക​ണ​മെ​ന്നാ​വ​ശ്യ​പ്പെ​ട്ട് ന​ടി​മാ​രു​ടെ കൂ​ട്ടാ​യ്മ നൽകിയ കത്തിൽ എ.എം.എം.എ എക്സിക്യൂട്ടീവിൽ തീരുമാനമായില്ല. നടപടിയെടുക്കേണ്ടത്​ ജനറൽ ബോഡിയെന്ന്​ പ്രസിഡൻറ്​ മോഹൻലാൽ അറിയിച്ചു. സംഘടനക്ക്​ ലഭിച്ച നിയമോപദേശം നടിമാരെ ഒൗദ്യോഗികമായി അറിയിക്കുമെന്നും മോഹൻലാൽ പറഞ്ഞു.

ചൊ​വ്വാ​ഴ്ച​ക്കു​ള്ളി​ൽ അ​ന്തി​മ തീ​രു​മാ​നം അ​റി​യി​ക്ക​ണ​മെ​ന്നാവശ്യപ്പെട്ട്​​ ന​ടി​മാ​രാ​യ രേ​വ​തി, പാ​ര്‍വ​തി, പ​ത്മ​പ്രി​യ എ​ന്നി​വ​രാ​ണ്​ ക​ത്ത് ന​ൽ​കി​യ​ത്. ന​ടി ആ​ക്ര​മി​ക്ക​പ്പെ​ട്ട കേ​സി​ൽ കു​റ്റാ​രോ​പി​ത​നാ​യ ദി​ലീ​പി​നെ തി​രി​ച്ചെ​ടു​ത്ത​തു​മാ​യി ബ​ന്ധ​പ്പെ​ട്ട് ഡ​ബ്ല്യു.​സി.​സി​യും എ.എം.എം.എയും ത​മ്മി​ൽ ച​ർ​ച്ച​ന​ട​ന്നി​രു​ന്നു. കോ​ട​തി കു​റ്റ​വി​മു​ക്ത​നാ​ക്കു​ന്ന​തു​വ​രെ ദി​ലീ​പി​നെ സം​ഘ​ട​ന​യി​ലേ​ക്ക് തി​രി​ച്ചെ​ടു​ക്ക​രു​തെ​ന്നാ​യി​രു​ന്നു ഇ​വ​രു​ടെ പ്ര​ധാ​ന നി​ർ​ദേ​ശം.

ആ​ഗ​സ്​​റ്റ്​ ഏ​ഴി​ന് കൊ​ച്ചി​യി​ല്‍ ചേ​ര്‍ന്ന യോ​ഗ​ത്തി​ലും ന​ടി​മാ​ര്‍ ഈ ​ആ​വ​ശ്യം ഉ​ന്ന​യി​ച്ചി​രു​ന്നു. അ​ന്ന് നി​യ​മ​വ​ശ​ങ്ങ​ള്‍ പ​രി​ശോ​ധി​ച്ച് മ​റു​പ​ടി ന​ല്‍കാ​മെ​ന്ന് ‘എ.എം.എം.എ’ ഭാ​ര​വാ​ഹി​ക​ള്‍ പ​റ​ഞ്ഞി​രു​െ​ന്ന​ങ്കി​ലും ഇ​തു​വ​രെ മ​റു​പ​ടി ല​ഭി​ച്ചി​ല്ലെ​ന്ന് ന​ടി രേ​വ​തി പ​റ​ഞ്ഞിരുന്നു. ഇ​തേ ആ​വ​ശ്യം ഉ​ന്ന​യി​ച്ച് അ​യ​ക്കു​ന്ന മൂ​ന്നാ​മ​ത്തെ ക​ത്താ​ണി​ത്. ആ​ഗ​സ്​​റ്റ്​ 13നാ​ണ് ആ​ദ്യം ക​ത്ത​യ​ക്കു​ന്ന​ത്. തു​ട​ർ​ന്ന് സെ​പ്​​റ്റം​ബ​ർ 17ന് ​വീ​ണ്ടും ക​ത്ത​യ​ച്ചു. എ​ന്നാ​ൽ, ക​ത്തി​നെ​ക്കു​റി​ച്ച് വ്യ​ക്ത​മാ​യ മ​റു​പ​ടി ത​രാ​ൻ നേ​തൃ​ത്വം ത​യാ​റാ​യി​ട്ടി​ല്ലെ​ന്ന് ന​ടി​മാ​ർ പ​റ​യു​ന്നു.

അ​ങ്ങോ​ട്ട് ബ​ന്ധ​പ്പെ​ട്ട​പ്പോ​ള്‍ ഇ​ൻ​ബോ​ക്സി​ലു​ണ്ട് എ​ന്നാ​യി​രു​ന്നു മ​റു​പ​ടി. ദി​ലീ​പ്​ വി​ഷ​യ​ത്തി​ൽ നി​യ​മോ​പ​ദേ​ശം തേ​ട​ണ​മെ​ന്ന് അ​ന്ന് ‘അ​മ്മ’ പ്ര​സി​ഡ​ൻ​റ് മോ​ഹ​ൽ​ലാ​ൽ അ​റി​യി​ച്ചി​രു​ന്നു. അ​തി​ലെ​ന്ത് തീ​രു​മാ​ന​മാ​യെ​ന്നും ഇ​തു​വ​രെ രേ​ഖാ​മൂ​ലം അ​റി​യി​ച്ചി​ട്ടി​ല്ല. മൂ​ന്നു​പേ​രും വ്യ​ത്യ​സ്ത സ്ഥ​ല​ങ്ങ​ളി​ലാ​യ​തി​നാ​ല്‍ ക​ത്തു​മാ​യി നേ​രി​ട്ട് സ​മീ​പി​ക്കാ​നാ​യി​ട്ടി​ല്ല. അ​ടു​ത്ത യോ​ഗ​ത്തി​ല്‍ ക​ത്ത് സം​ബ​ന്ധി​ച്ച് തീ​രു​മാ​ന​മെ​ടു​ക്കു​മെ​ന്നാ​ണ് ക​രു​തു​ന്ന​തെ​ന്നും രേ​വ​തി പ​റ​ഞ്ഞു.