ഹേമ കമീഷൻ റിപ്പോർട്ട് സ്ത്രീ പോരാട്ടങ്ങളിലെ നാഴികക്കല്ല് -ഡബ്ല്യു.സി.സി

കൊച്ചി: മലയാള സിനിമ നേരിടുന്ന ലിംഗവിവേചനത്തെ കുറിച്ച് പഠിക്കാൻ നിയുക്തമായ ഹേമ കമീഷൻ സർക്കാറിന് റിപ്പോർട്ട് സമർപ്പിച്ചതായും കമീഷനെ നിയോഗിച്ചത് സ്ത്രീ പോരാട്ടങ്ങളിലെ നാഴികക്കല്ലും വഴിത്തിരിവുമാണെന്നും വുമൻ ഇൻ സിനിമ കലക്ടീവ് (ഡബ്ല്യു.സി.സി).

മലയാള സിനിമയിലെ അവ്യവസ്ഥകൾ പരിഹരിക്കാൻ ശക്തമായ നിയമ നിർമാണം തന്നെ വേണമെന്നാണ് ഏറ്റവും പ്രധാന ശുപാര്‍ശ. തങ്ങളുടെ സഹപ്രവർത്തക തൊഴിലിടത്തിൽ ആക്രമിക്കപ്പെട്ടതിനെ തുടർന്ന് ഡബ്ല്യു.സി.സി.യുടെ രൂപീകരണത്തിലേക്ക് നയിച്ച ഏറ്റവും പ്രധാന ആവശ്യത്തിന് കിട്ടിയ ഒരംഗീകാരമാണ്. ഇന്ത്യൻ സിനിമയിൽ ആദ്യമാണ് ഇത്തരമൊരു പഠനകമ്മീഷൻ ഉണ്ടാകുന്നതെന്നും ഡബ്ല്യു.സി.സി ഫേസ്ബുക്ക് പോസ്റ്റിൽ പറഞ്ഞു.

ഡബ്ല്യു.സി.സിയുടെ ഫേസ്ബുക്ക് പോസ്റ്റ് വായിക്കാം...