പ്രശസ്​ത ഛായാഗ്രാഹകൻ രാമചന്ദ്രബാബു അന്തരിച്ചു

കോ​ഴി​ക്കോ​ട് /​ തി​രു​വ​ന​ന്ത​പു​രം: പ്ര​ശ​സ്ത ഛായാ​ഗ്രാ​ഹ​ക​നും സം​വി​ധാ​യ​ക​നു​മാ​യ കെ. ​രാ​മ​ച​ന്ദ്ര​ബാ​ബു (72) അ​ന്ത​രി​ച്ചു. ഹൃ​ദയാഘാതത്തെ തു​ട​ര്‍ന്ന് കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ്​ ആ​ശു​പ​ത്രി​യി​​ലേ​ക്കു​ള്ള യാ​ത്രാ​മ​ധ്യേ​ വൈ​കീ​ട്ട് 5.35ഓ​ടെ​യാ​ണ് മ​ര​ണം.

പു​തി​യ സി​നി​മ​യു​ടെ ച​ർ​ച്ച​ക​ൾ​ക്കായി ശ​നി​യാ​ഴ്ച​ കോ​ഴി​ക്കോ​െ​ട്ട​ത്തി​യ​തായിരുന്നു. രാ​ത്രി എ​ട്ടോ​ടെ ഹോ​ട്ട​ൽ മ​ഹാ​റാ​ണി​യി​ൽ മൃതദേഹം പൊ​തു​ദ​ർ​ശ​ന​ത്തി​നു​വെ​ച്ചു. ഞാ​യ​റാ​ഴ്ച രാ​വി​ലെ​യോ​ടെ മൃ​ത​ദേ​ഹം തി​രു​വ​ന​ന്ത​പു​രം പേ​ട്ട​യി​ലെ വ​സ​തി​യാ​യ ‘ആ​ദി​ത്യ’​യി​ലെ​ത്തി​ക്കും. ഉ​ച്ച​ക്ക് ഒ​ന്ന​ര​ക്കു​ശേ​ഷം ക​ലാ​ഭ​വ​നി​ൽ പൊ​തു​ദ​ർ​ശ​ന​ത്തി​ന് വെ​ക്കും. വൈ​കീ​ട്ട് മൂ​ന്ന​ര​ക്ക്​​ ശാ​ന്തി​ക​വാ​ട​ത്തി​ലാ​ണ് സം​സ്കാ​രം.

തമിഴ്നാട് മധുരാന്തകത്തിൽ ജനിച്ച രാമചന്ദ്രബാബു മദ്രാസ് ലെയോള കോളജിൽനിന്നാണ് ബിരുദം നേടിയത്. പു​ണെ ഫി​ലിം ഇ​ൻ​സ്​​റ്റി​റ്റ്യൂ​ട്ടി​ല്‍നി​ന്ന്​ ഛായാ​ഗ്ര​ഹ​ണ പ​ഠ​നം പൂ​ർ​ത്തി​യാ​ക്കി​. സ​ഹ​പാ​ഠി​ ജോ​ണ്‍ അ​ബ്ര​ഹാ​മി‍​െൻറ ‘വി​ദ്യാ​ര്‍ഥി​ക​ളേ ഇ​തി​ലേ ഇ​ത​ലേ’​യി​ലൂ​ടെ​ അ​ര​ങ്ങേ​റ്റം​കു​റി​ച്ചു. നാ​ലു​ത​വ​ണ മി​ക​ച്ച ഛായാ​ഗ്രാ​ഹ​ക​നു​ള്ള സം​സ്ഥാ​ന അ​വാ​ര്‍ഡ് ല​ഭി​ച്ചി​ട്ടു​ണ്ട്. 1976ൽ ​ദ്വീ​പ്, 1978ൽ ​ര​തി​നി​ർ​വേ​ദം, 1980ൽ ​ചാ​മ​രം, 1989ൽ ​വ​ട​ക്ക​ൻ വീ​ര​ഗാ​ഥ എ​ന്നി​വ​ക്കാ​ണ് അ​വാ​ർ​ഡ് ല​ഭി​ച്ച​ത്. സമാന്തര സിനിമയിലും വാണിജ്യ സിനിമയിലും ഒരുപോലെ സജീവമായിരുന്ന രാമചന്ദ്രബാബു മലയാളം, തമിഴ്, തെലുഗ്​, ഹിന്ദി, അറബി, ഇംഗ്ലീഷ് ഭാഷകളിലായി 130ലേറെ സിനിമകൾക്ക് ഛായാഗ്രഹണം നിർവഹിച്ചിട്ടുണ്ട്.

സ്വപ്നാടനം, കോലങ്ങൾ, മേള, നിര്‍മാല്യം, ബന്ധനം, സൃഷ്​ടി, അമ്മേ അനുപമേ, ഇതാ ഇവിടെ വരെ, വാടകക്കൊരു ഹൃദയം, നിദ്ര, മര്‍മരം, ഗസൽ, കന്മദം എന്നിവയാണ് ഛായാഗ്രഹണം നിർവഹിച്ച മറ്റ​ു പ്രശസ്ത ചിത്രങ്ങൾ. ദിലീപിനെ നായകനാക്കി സംവിധാനം ചെയ്ത ‘പ്രൊഫസര്‍ ഡിങ്ക​​ന്‍റെ’ ചിത്രീകരണം പൂർത്തിയായിട്ടില്ല.

ഭാ​ര്യ: കെ. ​ല​തി​ക​റാ​ണി. മ​ക്ക​ൾ: അ​ഭി​ഷേ​ക്, അ​ഭി​ലാ​ഷ്.